Tempotimor (Dili) – Prezidente Repúblika, Francisco Guterres Lú-Olo, Segunda (29/07/19) bolu Primeiru Ministru Taur Matan Ruak, hodi ko’alia kona-ba prosesu manda leis nomós dekretu leis hirak ne'ebé presiza hetan promulga husi Prezidente Repúblika.

“Prezidente da Repúblika mak bolu ha'u mai, liu-liu ko’alia ituan kona-ba leis no dekretu leis hirak ne'ebé haruka mai. Espesialmente, hirak ne'ebé iha relasaun ho asinatura tratadu dia 30 nian ne'e. So pontu ida ne'e de'it mak ohin prezidente konvoka ha'u para atu fó hatene,” PM Taur informa ba jornalista iha Palásiu Prezidensial, Bairru-Pite.

PM Taur hatete, “Prezidente Repúblika husu katak prosesu ne’e tama dala ida de’it. Tanba normalmente, lei mak tenki mai uluk. La'ós dekretu lei mai uluk. “So que, ami haruka dekretu leis mai uluk, antes parlamentu aprova iha Parlamentu, haruka mai sr. Prezidente, ami (nia) dekretu lei tama uluk. Entaun entermus prosesuais ami halo ajustu ida, para halonusa maka hadi’a ida ne’e,” PM dehan. 

PM Taur mós rekoñese katak ein termu prosesu ne'e la justu. Tan ne'e, nia promete para oinsá mak hadi'a no oinsá prosesu atu ajusta. 

Tuir fontes tempotimor.com ne’ebe besik liu ba Governu informa katak antes Parlamentu aprova projetu alterasaun ba leis hat, VIII governu haruka ona dekretu lei hat mak iha Konsellu dos Ministrus ba Prezidente da Republika. Tuir fontes hanesan mos informa katak iha semana kotuk, wainhira Prezidente Republika Francisco guterres Lu Olo simu leis sira ne’ebe aprova ona iha Parlamentu Nasional, iha momentu hanesan Xefe do estadu haruka fali hotu governu ninia dekretu lei sira ne’e ba Parlamentu Nasional.

Tempotimor (Dili) - Partidu koligasaun União Democratica Timorense (UDT) /Frente Mudansa (FM) afirma pozisaun atu hamosu governu grande inkluzaun iha formasaun governu foun.

Tempotimor (Maubara) – Prezidente Repúblika (PR), Francisco Guterres Lú Olo, Sesta (09/08/19) presta omenajem ikus ba saudozu José Cirilio Nunes "Maubrani" iha saudozu nia knua, Maubara, Likisa.

Tempotimor (Dili) - Prezidente Repúblika Francisco Guterres Lu Olo, hodi povu Timor Leste tomak ninia naran,  telefone ba Prezidente Repúblika Indonezia Joko Widodo ne’ebé hetan re-eleitu fila ba segundu mandatu iha eleisaun prezidensial Indonezia nian ne’ebé hala’o iha 17 Abril 2019.

By: Isac 

Tempotimor (Dili) – Prezidente Repúblika (PR), Francisco Guterres Lú Olo, Sesta (02/08/19) rona opiniaun husi Komandante Jerál PNTL, Komisáriu Faustino da Costa kona-ba nomeasaun ba xefe seguransa ba Prezidente Repúblika.

Tempotimor (Dili) - Prezidente Repúblika Francisco Guterres Lú-Olo, Sesta (19/07/2019) simu oráriu ba halot restu mortais saudozu Jose Cirilo Nunes ‘Mau Brani’ husi familia saudozu.

Tempotimor (Dili)-Primeiru Ministru Taur Matan Ruak planeia atu hamosu padraun foun ba membru governu sira ne’ebé la konsege ezekuta hotu Orsamentu Jeral Estadu (OJE) ne’ebé aloka ba sira-nia ministériu.

Tempotimor (Dili) – Prezidente – Repúblika (PR), Francisco Guterres Lú Olo husu ba embaixador nain tolu (3) ne’ebé foin simu posse atu haluan liutan kooperasaun Timor – Leste nian iha Brasl, Estadus Unidus Amerika no Nova Zelándia. 
 
“Prezidente no Governu nomeia Ita-Boot sira tanba fiar katak ita-boot sira sei koopera ho governu Brazil, Estadus Unidus no Nova Zelándia, atu haforsa liután relasaun entre ita-nia rain no sira-nian. Prezidente Repúblika fiar katak Embaixador sira ne’ebé foin simu pose iha kapasidade. Ha’u fiar katak sira bele hasa’e no loke liután nível no ámbitu kooperasaun entre ita-nia Estadus,” hatete PR Lu Olo hafon seremóna posse ba embaixador nain tolu ne’e iha Palásiu Prezidensial Bairro Pite, Dili, Tersa (13/08). 
 
Kona-ba Brasil, PR Lú Olo aproveita oportunidade ida ne’e atu fó-hanoin katak iha simeira CPLP, hala’o iha Brasil, mak Timor-Leste tama ofisialmente  nu’ udar membru CPLP nian. 
 
“Ita simu ona Chefes Estadu Brasil nian, Fernando Henrique Cardoso no Luís Inácio Lula da Silva, iha ita-nia país. Kooperasaun entre ita la’o di’ak, liuliu iha área edukasaun, iha formasaun ba kuadrus universitárius. Timor-Leste mak lolo prezidénsia rotativa CPLP nian ba Brasil, iha tinan 2016,” nia fó hanoin. 
 
Nia konsidera, embaixador Olímpio Branco, ne’ebé foin simu pose, iha karreira naruk ona. Hahú servisu kedas ba Ministériu Negósiu Estranjeiru no Kooperasaun bainhira instituisaun ida ne’e harii, molok restaura formalmente Independénsia Timor – Leste. Kaer horiuluk knaar nu’ udar Sekretáriu-Jeral iha Ministériu ne’e. Embaixador Olímpio Branco hala’o ona knaar nu’udar Embaixador Timor-Leste nian ba Repúblika Popular China no ba Repúblika Cuba. 
 
“Ha’u konfia iha nia kompeténsia no dedikasaun no ha’u deseja susesus ba Embaixador ne’e,” nia hatete. 
 
Kona-ba Embaixador Isílio Coelho, importante hatete katak, nia  hanesan  rin ida Ministériu Negósius Estranjeirus no Kooperasaun nian. Hahú kedas servisu ba Ministériu ne’e bainhira instituisaun ida ne’e harii formalmente, molok ita restaura formalmente ita-nia Independénsia. Embaixador Isílio hala’o knaar oioin, inklui Sekretáriu Jeral MNEC nian no Embaixador ba Japão. Susesus ba ninia knaar foun nu’ udar Embaixador. 
 
Husi kedas loron ita restaura ita-nia independénsia, tanba ita estabelese relasaun diplomátika iha nível embaixador rezidente, kooperasaun ho Estadus Unidus hala’o iha sektor oioin, liliu iha área defeza.
 
Ikus liu, señor Embaixador Lisualdo, quadru ida husi MNEC, diplomata karreira nian, sei hala’o knaar iha país viziñu ida, país ida ne’ebé hamutuk ho ita iha momentu difísil sira ne’ebé ita hasoru horiuluk.  
 
“Ha’u fó-hanoin katak Nova Zelándia integra mós INTERFET (forsa internasionál  ne’ebé tun iha Timor-Leste, iha 20 Setembru 1999). Ita haree militar sira-nia profisionalismu no nain ida mate iha períodu tranzisaun,” nia hatete.  
 
PR Lú Olo mós hare katak, iha mós momentu difísil seluk ida, iha períodu  istória foin liubá,  nu’udar Estadu, ne’ebé komunidade internasional mós rekoñese, iha 2006, Nova Zelándia mai mós tulun Timor-Leste. 
 
“Kooperasaun ne’e sei boot babeibeik no ha’u fiar diplomata ida ne’e, katak Embaixador Lisualdo, sei hatene loke no haklean liután kooperasaun ho Nova Zelândia,” nia fiar. 
 
Ikus liu, ha’u aproveita okaziaun ida ne’e atu hatete ohin katak, bainhira presiza, ha’u sei fó apoiu tomak ba embaixador sira. Ita-Boot sira iha ha’ u-nia konfiansa.
 
 
 
 
 
Tempotimor (Dili) – Jenerál Lere Anan Timur, husu ba ema hotu atu lalika preokupa ho lideransa na'in lima (5) hanesan: Xanana, Mari Alkatiri, Lú Olo, Ramos Horta no Taur Matan Ruak. 
 
“Agora, lider sira hanesan maun Xanana, maun Mari, Lú Olo, Ramos Horta, Tau Matan Ruak, imi tuur hamutuk ka la tuur hamutuk ne'e, problema imi nian. Ita lalika preokupa sira na'in lima ne'e," tenik Jenerál fitun rua ne'e, bainhira remata enkontru ho Prezidente Repúblika iha Palásiu Prezidensiál, Bairru-pite, Kuarta (07/08/19).
 
Lere katak, iha nasaun demokrasia diálogu entre lideransa ne'e normál. Tanba, bainhira laiha diálogu mak sei sees husi dalan demokrasia. Tan ne'e, tuir Lere, lider sira atu tuur hamutuk ka lakohi, ida ne'e la'ós kestaun. Kestaun mak serbisu tenke la'o. Nia dehan, polísia tenke iha estrada nafatin, finansas kontinua la'o nafatin para selu funsionáriu sira. 
 
“Ita lalika preokupa ho lider nasionál sira ne'e. Ita lalika hanorin sira. Ita kiik sira ne'e, iha servisu ona. Nusa la halo serbisu o mós toba, o mós hein de'it aproveita sai oportunista. Sira lakohi diálogu, be ha'u mós lakohi serbisu. Ne'ebé, ha'u hanoin ida ne'e mós sala boot ba ita ki'ik sira," Lere dehan.
 
 
 

Tempotimor (Dili) - Sekretáriu Jerál Partidu Frente Revolucionária Timor-Leste Independente (FRETILIN), Mari Alktiri, konsidera Taur Matan Ruak sai nu'udar 'tumbal' ba koligasaun bloku Aliansa Mudansa ba Progresu (AMP) hodi atinji objetivu balun. 

Tuir Alkatiri, situasaun AMP akontese agora ne'e tanba iha tinan rua ba kotuk sira rasik mak kontra natura. Ne'e duni, FRETILIN lakohi hatún Governu mas sira AMP rasik mak hamonu malu.

Eis Primeiru Ministru hatete, situasaun hanesan ne'e labele akontese tan iha futuru. 

"Agora sé mak sai vítima, ne'e mak Taur Matan Ruak. Aban bainrua la hatene sé fali, ne'e labele kontinua hanesan ne'e," dehan Alkatiri.

Nia husu ba lider polítiku sira atu Timor-Leste labele kria lasu polítika hanesan ne'e beibeik hodi impede dezenvolvimentu nasaun ne'e nian.

Alkatiri rasik la hakfodak ho Orsamentu Jerál Estadu (OJE) ne'ebé xumba, tanba tinan rua ba kotuk koligasaun AMP kontra natura.

"Sira mak hamonu malu. Uluk ha'u dehan ona tanba aliansa kontra natura, vida sei la naruk," tenik nia.

Entertantu koligasaun AMP rasik hahú iha ameasa nakfera bainhira OJE 2020 la pasa no Taur Matan Ruak rasik deklara AMP laiha ona.(*) 

Page 1 of 7

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com