Login to your account

Username *
Password *
Remember Me

Tempotimor (Dili)-Komunidade Suku Namanei, Postu Administrativu Kelikai, Munisípiu Baukau durante ne’e hulan moras kuaze kilometru 6 zhafoin bele asesu Ambulánsia hodi tula ba tratamentu, tanba kondisaun estrada ne'ebé grav'e transporte labele liu.

Tempotimor (Dili)-Xefe Suku Namanei, José Ximenes hatete, komunidade iha Suku Namanei, Postu Administrativu Kelikai, Munisípiu Baukau uma-kain atusrua-ualunulu-resin-ida (281) durante ne’e seidauk asesu ahi-eletrisidade.

Tempotimor (Dili)-Insidente ne’ebé mosu iha loron domingu (29/08), joven sira ataka malu iha Suku Triloka, Postu Administrativu Baukau Villa, Munisípiu Baukau rezulta ema na'in-4 kanek iha isin lolon, tanba kauza husi hamu tua.

Tempotimor (Díli)-Reprezentante Komunidade iha Suku Makalaku, Laurinda dos Santos hatete, komunidade sira iha suku Makalaku, Postu Administrativu Kelikai, Munisípiu Baukau, iha tuku tolu madrugada hahú hader hadau malu iha bee matan hodi kuru bee-moos tanba hader tarde lori fali la konsege hetan bee-moos.

Tempotimor (Dili)-Xefe Suku Makalaku, Julio Marques Belo hatete, komunidade uma-kain 193 iha Suku Makalaku, Postu Administrativu Kelikai, Munisípiu Baukau durante ne’e seidauk asesu ahi-eletrisidade.

Tempotimor (Kelikai)-Populasaun iha Suku Haekoni, Postu Administrativu Bagia, Munisípiu Baukau, família hamutuk 280 sei halerik nafatin ba ahi-eletrisidade, tanba to’o agora seidauk dada liña eletrisidade iha suku refere.

Tempotimor (Kelikai)-Lia-Na’in husi Uaibitai, Aldeia Laumana, Suku Letemumu, Postu Administrativu Kelikai husu ba Governu atu hadi’a Bee Tuda Salaira iha área Uaibitai-Matebian.

"Iha ne'e atu Bee di'ak maibé oinsá mak atu sai di'ak ne'e ami husu ba Governu no ulun boot sira mak hatene”, hateten Lia-Na’in Uaibitai, Agostino Freitas iha Bee Tudak Salaira hafoin la'o hamutuk ho Primeiru Ministru, Taur Matan Ruak vizita Bee refere, domingu (22/08).

Komunidade sira husu atu hafasil komunidade no vizitante sira ne'ebé hakarak vizita Bee Tuda Salaira.

"Ami husu atu hadi’a estrada sira iha besik ne'e para kuandu ulun-boot sira mai karik labele la'o kolen no karik mak di'ak ona ami sei kria regra ruma aban bairua kuandu di'ak ona bele hadi’a tiha buat ne'e ami husu ba komunidade sira labele soe foer”, hatete nia.

Ministru Turizmu Komérsiu no Industria (MTKI), José Lucas do Carmo hatete, iha tempu badak MTKI sei realiza programa dalan rezisténsia ba kada suku inklui mós Letemumu.

"Oras ne'e dadaun Governu prepara ona programa ida naran dalan ba rezisténsia iha Kada Suku no tempu badak ekipa Tékniku sira mai hodi esplika ba Komunidade iha suku sira liliu iha Postu Pdministrativu Kelikai,” dehan nia.

Bee Tuda Salaira mosu iha Foho Matebian Feto no Mane nia leet ne'ebé lokaliza iha Aldeia Laumana, Suku Letemumu Postu Administrativu Kelikai, Munisípiu Baukau. (*)

Tempotimor (Kelikai)-Forum Organizasaun non Governamental Timor-Leste (FONGTIL) realiza Dialogu Nasionál Sosiedade Sivíl ho Governu no Komunidade iha Uaibitai, Aldeia Laumana, Suku Letemumu, Postu Administrativu Kelikai, Munisípiu Baukau ho tema Hamutuk Hametin Parseiru Krítiku Hodi Define Progressu Ba Dezenvolvimentu Nasionál.

Tempotimor (Dili)-Komunidade aldeia Atelari, Liarafa no Neluwai, iha Suku Atelari, Postu Administrativu Laga, Munisípiu Baukau hamutuk uma-kain atusida-ruanolu-resin-rua (122) mak seidauk asesu ba bee-moos

Tempotimor (Dili)- Ekipa Konjunta husi Asosiasun Tane Konsumidor Timor-Leste (ATKTL), Autoridade Inspesaun no Fiskalizasaun ba Atividade Ekonomíka Sanitaria no Alimentar, Institutu públiku (AIFEASA,ip) no Diresaun Nasionál Regulasaun Komersiál no Protesaun Konsumidór (DNRKPK) konsege identifika Loja Creative Furak, Bidau Akadiru-Hun fa’an fós at ho marka (Tali-Merah) hamutuk kontentór lima.

Jurista Asosiasun Tane Konsumidor Timor-Leste (ATKTL), Juvêncio Amaral hatete, fós ho marka Tali Merah ne'e, Kompaña Creative Furak importa husi Repúblika Indonézia iha inisiu fulan-jullu ho agostu nia laran, ho totál kuaze kontentór lima.

“Horisehik lokraik, ami simu denunsia ida husi konsimidora ida, kona-ba prátika ilegál husi Loja Creative Furak ne'ebé lokaliza iha bidau akadiru hun. Kona-ba fós hamutuk kontentór lima, ne'ebé ho marka Tali Mera, impakota iha sakola, ka karon kór mutin ho kór mean oituan, depois sira tranporta husi marrítima, ho ró husi Indonézia mai Timor”, dehan nia ba www.tempotimor.com, liuhosi telefone, sesta (13/08).

Maske, fós ne'e rasik seidauk liu prazu, maibé tanba iha prosesu transportasaun dalaruma hetan kontaminasaun husi tasi ben, tanba ne'e fós ne'e hetan kauza no estragu.

Tanba iha informasaun ne'ebé denunsia husi konsumidora ida ne'ebé la fó sai ninia identidade, nune'e ATKTL deside tun kedas ba terenu hamutuk ho AIFAESA no diresaun nasionál husi Ministériu Turizmu Komersiu no Industria (MTCI).

Nune'e, iha sesta (13/08) ekipa deside halo análiza bazeia ba lei sira ne'ebé vigór liliu ba konsumu ninian, no bainhira iha terenu konsege identifika duni hanesan saida mak relata husi konsumidora.

“Depois ohin tun ba ho kuesidénsia tanba ohin diresaun ida husi MTCI, Diresaun Nasionál Regulasaun Komersiál no Protesaun Konsumidór (DNRKPK), iha ne'ebá entaun ami konvida malu no akompaña malu, ami ba ne'eba los duni katak buat ne'e iha prátika ilegál”, dehan nia.

Ho ida ne'e, AIFAESA no Diresaun Nasionál Regulasaun Komersiál no Protesaun Konsumidór (DNRKPK) foti ona amostra, tanba ne'e hanesan krime ida ne'ebé kontra direitu konsumidór sira-nian nune'e sei implika ba sansaun multa no sansaun Administrativa balun.

"Tanba tuir lei, uma ves ke sasán ne'e kontaminadu no estragadu ona, labele ona koloka iha merkadu konsumu. Maibé muitu pelo kontráriu, sasán ne'e at tiha ona, sira orienta fali inan feton kontrata fali sira lori ho lafatik ba hamoos tiha, e separa tiha ida at ho di’ak, depois sira repakota fali ka petin ulan fali ba karon foun hodi fa’an”, afirma nia.

Tuir informasaun, atividade ne'e Loja Creative Furak hala'o desde semana ida ona, nune'e dadus ne'ebé mak ATKTL asesu ne'e nota katak fós ne'ebe loja refere (peting ulan) ne'e distribui ona ba loja sira iha Dili laran, inklui munisípiu Baukau, Likisá no Ermera.

Tanba ne'e, Asosiasaum Tane Konsumidor apela nafatin ba konsumidór sira iha munisípiu Dili, Baukau, Ermera no Likisá, bainhira hola fós ho marka Tali Merah tenke kuidadu tanba ekipa identifika ona fós ne'e ladun seguru ba saúde.

“Tanba atetude ka Loja Crietive Furak ninian ne'e bele koloka risku ba konsumidór sira-nia vida no saúde. E kazu ida ne'e kazu sensitivu oituan, tanba ida ne'e ita labele halimar ho ema nia vida no ema nia saúde”, dehan nia.

Maibé prosesu la’o hela no iha ona AIFAESA, fiar katak sei implika ba iha multa no sansaun administrativa balun. (*)

Page 3 of 5
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter