Login to your account

Username *
Password *
Remember Me

Tempotimor (Dili)-Vise Ministru Edukasaun Juventude no Desportu (MEJD), António Guterres informa, ministériu utiliza osan ho montante millaun US$3.2 hodi apoiu pulsa internet ba estudante husi ensinu báziku sentrál (EBC) no ensinu sekundária jerál (ESG) sira.

TempoTimor (Dili) - Eskola hamutuk 197 kompostu husi eskola públika no privádu husi ensinu pre-eskolár to'o iha eskola sekundária tékniku vokasionál, iha munisípiu Dili, 88% mak reativa prosesu aprendizajen no 12% seluk seidauk reativa tanba la priénxe kritériu husi Ministériu Saúde (MS).

Tempotimor (Dili) - Governu liuhosi Ministériu Edukasaun Juventude no Desportu (MEJD) ofiasialmente halo ona abertura ba eskola sira hotu iha terrotóriu Timor-Leste, atu hahú ona prosesu aprendizajen iha eskola ida-idak.

Tempotimor (Dili)-Maske governu hasai ona regras ba estadu emerjensia relasiona ho prevensaun Corona Virus Deasses 2019 (Covid-19) maibé realidade iha munisipiu balun regras refere seidauk tau iha pratika.

Tempotimor (Dili)-Timor-oan na'in 20 ne'ebé foin fila husi rai li'ur no ba liu sira-nia hela fatin iha Munisipiu Baukau daudauk ne'e kuarentena hela iha idaidak nia uma. Maibé, bainhira iha ona fasilidade iha kuarentena ne'ebé autoridade Baukau prepara, ema hirak ne'e sei evakua hotu.

Tempotimor (Dili) Uniaun Estudante Universitáriu Munisípiu Baucau (UEUMB), rejeita totál deklarasaun husi Prezidente Autoridade Munisípiu Baucau (PAMB), Antonio Guterres ne'ebé deklara katak populasaun Munisípiu Baucau laiha problema ba infraestrutura báziku.

Tuir Portavoz II UEUMB, Gabriela Soares, rejeita tebes ho deklarasaun PAMB ne'ebé deklara informasaun liuhosi média online balu, katak populasaun Munisípiu Baucau kuaze %80 asesu ona ba bee moos.

"Hanesan estudante Baucau-oan ne'ebé durante ne'e observa dezenvolvimentu liga ba estetementu PAMB nian, ne'e so halo kontente dei't ba PAMB ne'ebé durante ne'e ukun ona Munisípiu Baucau periodu II. Maibé, populasaun nafatin halerik ba infraestrutura báziku sira hanesan estrada, eletrisidade, bee moos, saúde no edukasaun," deklara Gabriela liuhosi konferensia imprensa iha UNTL Sentrál, Kuarta (16/10/19).

Gabriela afirma, PAMB la haree katak iha komunidade barak mak sei lori masa hein atu kuru bee moos. Gabriela fó ezemplu iha Suku Gariuai, komunidade barak mak lalin masa ho gerobak husi Aldeia Bahamori ba kuru bee moos iha Loloria, Suku Gariuai.

Nia hatutan, iha Postu Saúde Venilale laiha karreta Ambulansia atu transfere pasiente ou inan feto sira ne'ebé atu partu, ba Hospitál Referál Baucau.

Iha fatin hanesan, Lazario Ximenes da Costa nu'udar membru UEUMB hateten, relasiona ho informasaun no dadus ne'ebé PAMB hato'o, ida ne'e la tuir realidade no faktus ne'ebé hatudu.

Nia informa, observasaun ne'ebé UEUMB rasik hala'o iha tereinu hatudu katak realidade povu Munisípiu Baucau seidauk atinzi %80 mak asesu ba bee moos.

Nia dehan, haree ba realidade iha munisipiu refere, iha Postu Administrativu Baucau Vila dei't mós  tuir observasaun UEUMB, populasaun barak mak seidauk asesu ba bee moos.

"Ami la sura ninia pursentu. Maibé, faktus no realidade ne'ebé hatudu momoos katak komunidade maioria mak seidauk asesu ba bee moos," esplika Lazario.

Lazario katak, PAMB bele nafatin mantein ho ninia dadus ne'ebé nia hato'o, UEUMB mós nafatin firme iha nia pozisaun, hodi rezita no kontra PAMB nia deklarasaun.

Tempotimor (Dili) – Maski tinan rua ona autoridade munisípiu estabelese, maibé seidauk hetan valór  husi Governu Sentrál (GS).

Prezidente Autoridade Munisípiu Baucau (PAMB), Antonio Guterres konsidera Governu Sentrál (GS) halo ona diskriminasaun no kompetisaun ho munisípiu.  

“Problema ba ami, mak oinsá dudu desentralizasaun iha kraik para bazeia ba programa Governu nian katak, fazeadamente la'o tuir dalan. Maibé, ami la'o tiha ona iha deskonsentrasaun no agora iha desentralizasaun territorial ona,” dehan Antonio Guterres ba jornalista iha Ministériu Finansas, Aitarak Laran, Dili, Kuarta (18/09/19).

Tuir PAMB ne'e, se la instala kondisaun mínimu iha munisípiu para muda kondisoens populasaun nia moris, autoridade sei hetan de'it saláriu no vensimentu, bens no servisu transferensia públika. “Ne'e mak naran ami autoridade munisipál. Autoridade ida ne'ebé?” PUMB ne'e afirma.

Antonio promete, sei hasoru malu ho Governu Sentrál hodi husu klarafika bainhira mak Governu Sentrál  fó fiar ba autoridade munisípiu sira.

"Tinan ida ne'e, ami hakarak koko. Tempu to'o ona, oinsá mak Governu Sentrál fó fiar ba Prezidente Autoridade Munisípiu sira. Liuhosi fiar ne'ebé mak akordu organik entre dia 1 Setembru 2016 ne'e la'o, no reprezenta ona Governu Sentrál iha kraik," nia esplika.

PAMB mós husu atu Governu Sentrál labele kompete ho Governu lokál.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter