Items filtered by date: Saturday, 01 May 2021

By Tempo Timor

This article is not intended to persuade or dissuade anyone from taking or not taking the vaccines. The intention is to present the available data taken from the World Health Organization (as officially published on their website) and to contextualize it to Timor-Leste’s current situation.

Published in News in English

Tempotimor (Dili)-Primeiru Ministru (PM), Taur Matan Ruak hatete, traballadór sira haneaan eroi Ba dezenvolvimentu nasaun nian.

"Traballadór sira nu’udar eroi foun sira iha faze dezenvolvimentu nasionál daudaun ne’e nian no liuhusi sira mak ita hari’i nasaun ida-ne’ebé forte, riku no seguru”, deklara PM Taur liuhusi mensajen ba loron mundial traballadór loron 1 fulan-maiu, sábadu (01/05).

Loron Traballadór nian la’ós de’it feriadu ka loron deskansa nian ida, maibé sai nu’udar biban ida ne’ebé di’ak tebetebes atu hahí empeñu, méritu, dixiplina, profisionalizmu, serbisu iha ekipa, espíritu sakrifísiu nian no kumprimentu devér nian, ne’ebé horik nafatin iha traballadór sira, tantu nasionál nune’e mós estranjeiru sira.

Agradese mós ba Traballadór Timoroan no Estranjeiru hothotu ne’ebé kontribui ho laran tomak ba Timor-Leste ida-ne’ebé modernu, dezenvolvidu no prósperu liután.

“Ha’u hakarak tebes, hodi ha’u-nia naran rasik no Governu nia naran, hato’o ami-nia agradesimentu ne’ebé boot tebtebes ba esforsu no serbisu hotu ne'ebé Traballadór sira halo iha momentu ne'ebé ita luta hela hasoru Surtu Covid-19”, dehan Taur. (*)

Published in Politika

Tempotimor (Dili)-Adminitradór Munisípiu Lautein, Domingos Sávio hatete, dadaun ne'e númeru kazu pozitivu Covid-19 iha Lautein hamutuk na’in-13, maibé situasaun kontroladu.

Ho númeru kazu pozitivu ne’ebé iha mak Governu liuhusi konsellu Ministru fó sai serka sanitária ba Munisípiu sia inklui mós Lautein iha loron kinta (29/04) ba loron 14.

Maske nune’e, situasaun iha Munisípiu Lautein ho kazu ne’ebé tama iha kategória esporadiku durante ne’e.

"Situasaun la’o normal, tanba ami ne'e la’ós área afeitadu maske iha ne'e pozitivu sa’e ba 13 pesoál maibé ita kontroladu hela tanba sira ne'ebé mai husi Dili mak lori mai ita tau iha kuarentena sira ne'e mak ita deteta sai pozitivu, ita lahetan sira (covid-19) iha komunidade nia leet”, dehan Domingos ba www.tempotimor.com liuhusi telemóvel, sábadu (01/05).

Antes ne'e, Adminitradór Lautein rasik propoint atu Munisípiu Lautein seidauk nesesita atu aplika Serka Sanitária (SS) maibé governu deside ona.

Maibé, Munisípiu Lautein seidauk hetan ajudu umanitária ruma hanesan hahán no prosesu distribusaun sesta bázika mak semana kotuk hahú implenta hikas tuir protokolu saúde.

Ba prosesu vasina ne'ebé inplementa ba front line iha Munisípiu Lautein rasik remata ona mesmu iha komunidade barak mak hakarak vasina.

"La’o di’ak, so que front line de’it. Iha ne'e ita-nia komunidade mós hakarak vasina maibé tanba ai-moruk (vasina) mak limitadu ne'ebé seidauk vasina komunidade sira”, dehan nia. (*)

Published in Lautem

Tempotimor (Dili)-Adminitradór Munisípiu Lautein, Domingos Sávio, bandu Lauteinoan atu komprende hodi labele entrada (tama) ba Munisípiu Lautein, bainhira rezultadu teste swab liu prazu.

Autoridade Lautém establese ona regra, bainhira rezulta teste Swab no Gia de Marsa fó sai ona husi Sentru Intergradu Jestaun Krize (SIJK) tenke utiliza tama ona iha Lautein ho duransaun loron ida.

Desizaun ne'e, Adminitradór foti tamba evita Lauteinoan lori vírus covid-19 hadaet ba konunidade sira iha Munisípiu.

Bainhira liu loron rua ka tolu, Autoridade Munisípiu sei haruka fila ka submete ba kuarentena ne'ebé prepara ona husi ekipa konjunta prevensaun covid-19 iha Lautein.

"Foti nia teste swab ne'e labele liu loron rua-tolu, foti ho foti mai kedan e kuandu teste ona swab no iha ona gia de marsa labele lao ba mai, iha uma hakmatek foti mai (Lautein), kaundu liu ona loron ida ami sei haruka fila ka tama kuarentena”, dehan Domingo ba www.tempotimor.com husi telemóvel, sábadu (01/05).


Lauteinoan tenk hanoin nia rai no Inan-aman, maibé liu ona loron rua ka tolu labele obriga-an tama Lautein, tanba iha posibilidade lori virus daet ba komunidade.

"Husu komprensaun katak iha medida preventiva ida Lautein husi Dili mai Lautein presiza fazeadamente katak fatin limitadu, entaun fatin kuarentena sai ona na’in-10ba 20 foin ita aviza para sira (iha-Dilj) bele mai para ense fali fatin ne'ebé mamuk”, dehan Domingos. (*)

Published in Saude

Tempotimor (Dili)-Front Mahasiswa Timor-Leste (FMTL) konsidera prezensa covid-19 iha Timor-Leste sai kurtina ba politiku sira atu asegura poder.

Portavoz FMTL, Efifania da Silva, deklara Governu liuhusi SEPFOPE tenke hatun rezolusaun ida kona-ba, selu traballadór sira ne'ebé mak empregador sira hapara iha situasaun Covid19.

"Kuandu Governu no Parlamentu laiha seriedade atu deskute kona-ba mekanizmu adekuadu ba prevensaun Covid19 nian, hodi normalize fali atividade ekonomika povu nian no loke dalan entre Munisípiu, mak FMTL sei reafirma an hodi kontinua ezije to'o hetan solusaun emidiata", dehan Efifania da Silva ba Jornalista sira iha Kampus Faspol UNTL, Kaikoli, sábadu (01/05)

Haree ba situasuan ne'e, FMTL mós kontinua apela ba traballadór sira ne'ebé patraun hapara la ho kondisaun, atubele informa ba ekipa advokasia FMTL nian hodi hamutuk ho Konfederasaun Sindikatu Front Traballadór Maubere hodi ezije direitu sira ne’ebé viola.(*)

Published in Politika

Tempotimor (Dili)-Front Mahasiswa Timor-Leste (FMTL) ezije governu atu asegura povu husi fatin risku hodi husik interese grupu no partidaria ne’ebé defende interse politiku.

Portavoz FMTL, Efifania da Silva hatete, sira sente triste tebes ba intervensaun governu Timor-Leste ne'ebé mak la estrateziku no lalais hodi kombate sofrimento povu nian.

Iha situasaun agora la'ós de’it inserteza politika maibé inserteza moris povu nian ne'ebé nakonu ho pergunta tanba prátika polítika obskurantizmu ne'ebé polítiku sira explora durante tinan hirak ne'e nia laran.

"FMTL tenke husu nafatin responsabilidade Governu no Politiku sira, tanba hahalok politika obskurantizmu no kapasidade atu asegura nia povu husi risku hamlaha la define ho klaru, maibé asegura de'it mak interese grupu no partidaria”, afirma Efifania ba Jornalista sira iha Kampus Faspol UNTL, Kaikoli, sábadu (01/05)

Tanba, kompaña barak hapara Traballadór laiha kondisaun, halo sira labele hetan rendimentu hodi bele susntenta família,,

Nune’e mós, kondutór mikrolete, taksista barak patraun labele selu tanba movimentu trasportasaun ne'ebé labele halo sirkulasaun hodi buka pasajeiru.

Ho problema sira ne’e, prezensa inserteza politika, Covid-19, inundasaun no hamlaha lolos la'ós situasaun ida ne'ebé difísil atu rezolve, maibé politiku ho arogansia halimar povu nia moris.

“Egoízmuno arogánsia politika halo govenu no politiku sira halimar de'it povu nia vida no tenke husik nafatin povu ida ne'e vítima ba bei-beik”, afirma nia. (*)

Published in Politika
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter