Login to your account

Username *
Password *
Remember Me

Items filtered by date: Thursday, 11 July 2019

Tempotimor (Dili) - Polisia Nasional Timor Leste (PNTL) rejista ema na'in ualu (8) mate tanba asidente durante fulan Juñu too Jullu 2019.

Published in Justisa

tempotimor.com (Dili) - Sidadaun Timor ida ne'ebé identifika ho naran Martalena da Costa tenke hela de'it iha area aeroportu Malazia hafoin parte Imigrasaun Bali Indonezia deporta nia fila ba UK bainhira nia to'o iha Bali iha 8 Jullu foin lalais.

Martalena ne'ebé durante ne'e hela iha UK hala'o viajen atu fila mai Timor Leste liu husi Bali. Maibé, hafoin to'o iha aeroportu Bali iha 8 Jullu 2019, no hakarak atu kontinua nia viajen mai Dili, Imigrasaun Indonezia la autoriza ho razaun nia passaporte ne'ebé nia prazu besik remata ona.

Tuir Lei Imigrasaun Indonezia, sidadaun estrajeiru ne'ebé hala'o viajen liu iha teritoriu Indonezia tenke lori passaporte antes fulan neen pasaporte mate. Enkuantu, Martalena nia passaporte sei mate iha 31 Jullu 2019.

Hasoru situasaun defisil ne'e, Martalena husu tulun ba konsuladu Timor Leste iha Bali. Maibé, tuir informasaun ne'ebé tempotimor asesu, Koonsuladu TL iha Bali laiha serieade atu halo diplomasia ho parte Imigrasaun Indonezia hodi buka solusaun, ikus mai Imigrasaun Indonesia deporta fila Martalena ba UK liu husi Malazia.

Tuir fonte konfidensial balun hatete, loloos Konsuladu Timor Leste iha Bali bele atua situasaun ne’e ho di'ak.

"Maibé tanba laiha vontade atu atende ita-nia sidadaun sira iha ema nia rain, ikus mai ema bele vinga ita-nia sidadaun tuir sira-nia hakarak hodi haluha tiha katak Timor Leste mós nu’udar pais soberanu ida," dehan fonte ne'e.

Bainhira Martalena to'o iha Malazia, Embaixadora Timor Leste ba Malazia, Olandina Cairo Alves halo intervensaun iha aeroportu liu husi tulun Ministru Negosius no Estrajeirus (MNEK) Dionisio Babo hodi hatun Martalena aeroportu Malazia.

Maske Embaixadora ne'e esforsu hodi husu tulun ba Governu Malazia hodi halo travel document ba Martalena, maibe Governu Indonezia kontinua rezeita hodi husu nafatin passaporte validu tuir lei Imigrasaun Indonezia nian.

Ho situasaun ida ne'e, hahú husii 8 Jullu to'o ohin loron (11/07), Martalena hela de'it iha area aeroportu laran hodi hein prosesa atu fila mai Timor. Tuir informasaun, Timor-oan ne'e dadaun ne'e sai hanesan sidadaun Stateless iha aeroportu Malazia.

"Dezde dia 8 ate agora ha'u hela de'it iha aeroporto," dehan Martalena ne'ebé moris iha Ossu, Munisipiu Vikeke iha tinan 1991 ne'e.

Durante loron tolu hela iha aeroportu Malazia, Martalena ne'ebé husik hela nia oan ne'ebé sei susu, sente nia kondisaun saúde ladun aguenta.

"Ha'u-nia kondisaun saúde ne'ebé ladun di'ak tanba husik hela ha'u-nia oan ne’ebe sei susu hela nune'e tenke augenta ho isin manas no malirin, afeta husi hapara derepenti susubeen ba bebe."

Tuir informasaun ne'ebé tempotimor asesu ohin, Governu Timor Leste buka dalan atu aproxima Governu Malazia hodi bele autoriza Martalena ba iha Embaixada Timor Lesta iha Malazia hodi halo ninia pasaporte temporariu atu bele fila hikas mai Timor Leste.

Relasiona ho asuntu ne'e tempotimor koko kontaktu ba Ministru Donisio maibé la konsege tanba ministru nia númeru telefone labele liga ba.

Published in Politika
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2019 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter