Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Tempotimor (Dili) - Hafoin audiénsia semanál, Prezidente Repúblika (PR), Francisco Guterres Lú Olo, husu Prezidente Tribunál Rekursu (PTR), Deolindo dos Santos, atu hasa'e rítmu serviu Tribinál Rekursu (TR) nian, nune'e Tribunál rasik sei esforsu másimu.

Iha enkontru semanál entre lideransa husi orgaun estadu rua ne'e, ko'alia liu kona-ba servisu tribunál nian oinsa atu aselera prosesu sira ne'ebé kontinua bou iha tribunál sira.

"Hahú 16 Setembru mai ami servisu hotu la'o normal fali ona iha teritóriu tomak, tribunál sira funsiona fali ona, katak juis ida-idak organiza fali ona kazu sira iha tribunál distritál sira," dehan Deolindo dos Santos, iha Palásiu Prezidensiál Bairru-Pité, Segunda (28/9).

Nia afirma, mezmu iha difikuldade kona-ba orsamentu, maibé tribunál kontinua esforsu hodi hakbesik liután tribunál ba iha komunidade sira.

"Atu lori besik liután tribunál ba iha komunidade, entaun ami nafatin ho julgamentu movél, mezmu orsamentu ne'e tarde, maibé ami foin lalais hahú 16 Setembru ne'e ami komesa servisu ona iha Vikeke, Likisa no Bobonaru," nia dehan.

Iha tempu hanesan, PR Lú Olo mós husu ba juis sira atu servisu ho di'ak liután.

"Husu ba juis sira para servisu ho forma ne'ebé di'ak liután, para bele asegura katak, servisu ba justisa ne'e di'ak liu", tenik nia. (*) 

Comment

Tempotimor (Dili)- Relasiona ho desizaun Governu hodi autoriza Timor Gap partisipa iha fornesementu kombustivel mina ba EDTL tuir Prezidenti Komisaun E PN konkorda mezmu presiza mós atu Timor Gap perpara kondisaun.

Comment

Tempotimor (Díli)- Orsamentu Jerál Estadu (OJE) ne'ebé Ministériu Finansas atribui tetu fiskál ba tinan 2021 nian ba iha Ministériu Negósiu Estranjeiru no Kooperasaun (MNEK) ho montante tokon US$ 22.

Comment

.