Diretór Servisu Protesaun Sivil no Jestaun Desastre Naturais Munisípiu Baukau, Nelson Nunes informa, inseidente ne'e akontese iha loron 23 fulan-dezembru tinan-2021, rejulta uma-ida hetan estragus totál.

"Ohin dader ami simu informasaun husi suku Uaitame-Mulia ai-hun talin ida tohar iha uma leten estragus totál no agora dadaun komunidade sira tesi ai ne'e ho manual, maibé depois prosesu ita apoiu emerjénsia”, dehan Nelsol, kinta (23/12).

Husi insidente ne'e la rejulta ema ruma hetan kanek, maibé sasán balun mak hetan estragu.

Dadus sasán ne'ebé mak hetan estragu seidauk bele fó komentariu klean, tanba ékipa sei iha tereñu halo verifikasaun.

Tanba ne'e, servisu protesaun Sivíl Munisípiu Baukau kontinua apela ba komunidade hotu katak, bainhira iha ai-hun boot besik uma bele tesik hotu, bainhira mosu anin boot labele fó risku ba uma no ema nia vida. (*)