"Iha ha’u-nia suku ne'e uma-kain barak mak asesu ona eletrisidade, maibé iha uma-kain 63 mak sei iha hela nakukun laran no seidauk asesu liña eletrisidade desde Timor ukun-an to’o mai agora, ne'ebé ita esforsu hela, maibé ita-nia kondisaun Governu mak hanesan ne'e hela, ita la hatene los bainhira mak sira bele atende hela povu nia nesesidade sira hanesan ne'e”, dehan xefe Suku Uaitame, João Ximenes Moreira, liuhusi telefone, tersa (07/12).
Nu'udar autoridade lokál no reprezentante povu nian iha baze nafatin esforu maka’as atu komunidade sira ne'ebé la asesu ba liña eletrisidade ne'e bele asesu hotu.
Maibé proposta ne'e ba beibeik ona iha Eletrisidade Timor-Leste (EDTL) maibé to'o agora seidauk iha informasaun ida.
Nu'udar líder komunitáriu sujere, ba parte relevante sira atu tau atensaun ba problema sira ne'ebé mak komunidade hasoru iha baze, liiu iha suku Uaitame atu nune'e povu sira bele sente katak ukun-an ida ne'e iha duni nia folin ba sira.
Nune'e mós ba parte relevante sira tenke haree ba prolema sira ne'e hodi bele responde ba komunidade sira-nia prekupasaun.
"Hau nu'udar reprezentativu Povu nian iha baze nafatin hato'o ba Governu atu tau atensaun ba problema sira ne'ebé mak povu hasoru iha baze hanesan eletrisidade, bee-moos, saúde, edukasaun atu nune'e povu bele sente katak ukun-an ida ne'e iha duni folin ba ita-nia povu iha nasaun ida ne'e”, afirma ina.
Entretantu Suku Uaitame iha aldeia 4, ho populasaun hamutuk 2,841, iha uma-kain hamutuk 431, ne’ebé 63 seidauk asesu ahi-eletrisidade. (*)
