Login to your account

Username *
Password *
Remember Me

CNA Publika Kompaña-6 Manán Projetu Reabilitasaun Estrada iha Baukau

Diretór Obra Públika Munisípiu Baukau, Pedro Alexandre Guterres Pereira. Diretór Obra Públika Munisípiu Baukau, Pedro Alexandre Guterres Pereira. Foto Suplay

Tempotimor (Baukau)-Komisaun Nasionál Aprovizionamentu (CNA) publika kompaña hamutuk neen (6) sai manán na’in ba konkursu reabilitasaun Estrada Rurál ba Dezenvolvimentu (ERD) iha Munisípiu Baukau.

Diretór Obra Públika Munisípiu Baukau, Pedro Alexandre Guterres Pereira hatete, rejultadu manán na'in sira ne’e fó sai iha loron-29 fulan-novembru tinan-2021.

"Foin dadauk iha loron-29 fulan-novembru tinan-2021 sira anunsia ona nia rejultadu mak iha pakóte-6 kompaña-6 mak manán iha ne'e”, dehan Pedro, iha Baukau, segunda (06/12).

Kompaña manán na'in ba estrada rurál husi Suku Afaça ba Uaitame kompostu husi kompaña-3 mak hanesan, pakote dahuluk husi kompaña Flores Unipesoal.Lda distánsia 0 kilometru (km) to'o 3km, pakote daruak 3km to'o 6km husi kompaña Helsia unipesoal.LDA no pakote datoluk 6km to'o 9km husi kompaña Dilidi unipesoal.LDA.

Tuir lolós reabilitasaun estrada rurál ba dezenvolvimentu husi Suku Afaça-Uaitame iha pakote-4 maibé ikus 9km to'o 12km kompete la passa kriteira, maibé sei halo hikas re-tenderizasaun.

"Ita iha predizsaun kompaña sira la tama hotu, entaun re-tenderizasaun fali, novembru mak foin site visit lori ba prosesu fali iha aprovisionamentu, pakote ikus liu ne'e ita hein, foin dadauk kompaña-3 mak ba haree filafali lokasi prense fali sira-nia formatu depois submete ba CNA”, hatete nia.

Enkuantu iha Postu Administrativu Venilale hamutuk pakote-3 diresaun Venilale ba Uaioli totál 8.5km, pakote dahuluk 00 km to'o 3km kompaña manán na'in Putra Baukau unipesoal.LDA, pakote daruak 3km to'o 6km kompaña Makalaku unipesoal.LDA no 6km to'o 8.5km responsável husi kompaña Morenda unipesoal.LDA 

"Husi Venilale ba Uaioli ne'ebé mak kondisaun estrada a'at tebes, ba Baukau tinan ne'e pakote 6 tuir lolós 7 maibé ida mak la prense kriteira entaun re-tenderizasaun fali”, esplika nia.

Prosesu refere sei anunsia husi Komisaun Nasionál Aprovizionamentu no fó tempu loron-15 atu kompaña ne'ebé la sai vensedór hatoo reklamasaun, bainhira laiha reklamasaun Ministériu Obras Públika (MOP) sei bolu atu asina kontratadu no mobiliza ekipamentu iha fatin konstrusaun atu hahú servisu. 

Tanba ne’e, agradese ba diresaun nasionál liuhusi MOP nia apoiu, tanba kondisaun estrada ne'ebé a'at tebes iha Postu Kelikai, diresaun Afaça-Uaitame no Postu Venilale-Uaioli hahú konstrusaun iha tinan 2021 ne’e.

Tuir kontratadu kada projetu konstrusaun hamutuk durasaun loron-356 kaléndariu servisu ka tinan-ida, bainhira asina kontratadu hahú kedas servisu.

Entertantu pakote iha Postu Administrativu Kelikai husi Suku Afaça-Uaitame hamutuk kilometru 12 no Postu Venilale Vila ba suku Uaioli hamutuk pakote tolu 8.5km totál 20.5km ho orsamentu pur-volta millaun US$3. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter