Tuir Observasaun ne'ebé www.tempotimor.com asesu iha terenu nota katak hahú husi estrada públiku iha Suku Triloka to'o iha Darsula seidauk iha iluminasaun ne'ebé mak monta iha dalan sira.
Antes ne’e, iha loron 17 fulan-jullu 2021, Prezidente Autoridade Munisípiu (PAM) Baukau, Olivio 'Boulesa' Freitas, hakarak iha komemorasaun loron proklamasaun Independénsia Timor-Leste 28 fulan-Novembru, ahi-eletrisidade iha sidade Baukau laran lakan hotu.
"Ha'u hakarak ahi lakan hotu iha dalan sira, ne'e antes 28 Novembru loron komemorasaun Independénsia nian a nível Nasionál halo iha Baukau, sira nasionál mai ha'u ba haree ona fatin, antes data ne'e to'o ahi tenke lakan husi Lanud Forsa Defeza Timor-Leste nian, mai to'o Baukau vila no ba to'o Buibau, to'o Riamari”, dehan Olivio Boulesa iha salaun São José Dioseze Baukau.
Dadaun ne’e iha Munisípiu Baukau hela suku balun mak ahi seidauk tama, maibé iha Suku Namanei inklui Aldeia 59 mak seidauk asesu ba liña eletrisidade. (*)