Login to your account

Username *
Password *
Remember Me

Oknum OPS Mak ‘Tiru Mate’ Manuel Correia iha Samalari

Matebian Manuel Correia. Matebian Manuel Correia. Foto Suplay

Tempotimor (Baukau)-Joven Manuel Correia ne'ebé mate iha Samalari iha loron 01 Novembru 2021 ne'e hetan tiru husi Oknum membru Ofisiál Polísia Suku (OPS),  inklui joven ida seluk ne'ebé hetan kanek.

Tuir xefe suku Samalari, Rui Serterio Magno Siqueira katak, oknum OPS mak uza pistola, nune'e ekipa Polísia Servisu Investigasaun Kriminal (PSIK) iha ona tereñu halo ezaminasaun ba fatin akontesementu.

"Agora sira Forensik mai halo ona ezaminasaun ba ita nia OPS nia atitude oho ita-nia joven ida kanek ida mate," dehan xefe suku samalari Rui sba www.tempotimor.com liuhusi via telefone Kuarta (03/11).

Autoriedade lokál ne'e dehan, iha ne'ebé de'it joven sira sempre nakar, maibé parte seguransa mak tenke hatudu profesionlaidade.

"Iha ne'ebé de'it joven ne'e tenke nakar iha tempu festa hanesan loron finadu, tempu natal no tinan foun, ne'e ita-nia joven sira ne'e sempre halo nian asaun ida ne'ebé provoka malu, maibé tuir loloos hanesan ema ho profesionál nia tenke hatudu nia profesionalidade," dehan Xefe Suku ne'e.

Nia konta, normalmente vitíma Manuel Coreria tinan 21 mate fatin ho kartus pistola, tanba ne'e evakua kedas ba Ospitál Nasionál Guido Valadares (ONGV) Dili hodi halo autopsia, enkuantu ida seluk simu tratamentu iha Osspitál Rejionál Eduardo Ximenes (HOREX) Baukau.

Nia husu ba autoriedade seguransa nian presiza hadia mentalidade tanba kazu omesidu ne'e halo komunidade sira tauk fali parte autoridade seguransa sira.

Kazu ne'e akontese iha aldeia Samalari Suku Samalari, Postu Administrativu Baukau Vila, Munisipiu Baukau iha loron 1 fulan novembru tinan 2021 nee, maizmenus tuku 19:00 kalan, hafoin joven sira ne'e fila husi semitériu, entaun diferénsia organizasaun mak mosu insulta malu, nunee membru OPS ne'e atu hatudu nia profesionalidade, maibé la komprende uza nia polítika hamosu situasaun ne'e.

Kona-ba akontese ne'e, hanesan autoridade lokal entrega tomak ba parte justisa mak bele determina. Xefe Suku ne'e husu ba governu ba futuru tenke kria sentru formasaun ba membru PNTL sira ne'ebé mentalidade fraku, atu nune'e membru sira bele hatene uza kapasidade tama iha situasaun.

Liga ho situasaun ne'e www.tempotimor.com tenta konfirma komadante komandu PNTL Munisípiu Baukau Superintendente Xefe Armando Monteiro, maibé nia parte seidauk bele fó komentáriu.(*)

Rate this item
(1 Vote)
Last modified on Wednesday, 03 November 2021 22:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter