Nia dehan, iha buat barak Dom Basílio koko atu fó sasin ba sarani tomak durante viajem moris, maibé iha buat kiik balun mak ema hotu haree loroloron iha Dom Basílio nia moris.
"Segredu saida mak ami haree amu kontente nafatin, saudável hela de'it, amu nia segredu mak saida, buat ne'ebé ha'u sei hanoin hetan nia dehan, ha'u-nia segredu ida de'it, nia nunka lori problema ba toba fatin, problema hotu husik iha servisu fatin, atu nune'e toba bele hakmatek iha tempu dadér hader mai, bele simu anin foun iis foun nomós simu vida foun iha tempu dader”, dehan Dom Virgilio liuhusi omília iha misa katedral Baukau, Segunda (01/11).
Dalabarak Dom Basílio ko'alia, halo ema deskonfia, maibé nia hakarak buat ne'ebé di'ak ba nia Dioseze no sarani Baukauoan hotu.
Dom Basílio hanesan bibi-atan ne'ebé la hatene kolen, sempre tau matan ba nia bibi sira, lo'os duni ema ne'ebé mak lori nonok de'it.
"Dala ruma ita haree nia hirus, maibé dala barak liu ne'e, bahasa karik jarang hirus, ita sempre haree sorisso, hamnasa”, afirma Arcebispu. (*)