Print this page

Sarani Sira Hamonu Matan-Been Bainhira Mate-Isin Dom Basílio To'o Baukau

By November 01, 2021 5215
Mate-isin Dom Basilio do Nascimento nian iha ona Baucau. Segunda (01/11). Mate-isin Dom Basilio do Nascimento nian iha ona Baucau. Segunda (01/11). Foto Tempo Timor

Tempotimor (Baucau)-Sarani husi Dioseze Baukau, Dili no Maliana hamonu matan-been bainhira mate isin Amu Bispu Dom Basílio do Nasimento to'o iha Katedral Baukau, kuandu sarani sira simu ho lia-dadoli.

Liuhusi lia dadoli ne'e hatete, solok ikus, solok rai moris fatin mak rai sumalai, hananu knananuk furak, knananuk despedida nian.

Uluk rai bé matenek Aman bé lahadomi, hadomi rai Timor Lorosa'e, néon be nakla'ek fuan bé taridu husik duni ona.

"Amu nia hahalok iha ami-nia matan, amu nia hahalok iha ami nia fuan, ema hotu sei hatete, obrigado Amu”, dehan nia iha portaun katedral vila antiga Baukau, segunda (01/11).

Tuir Obsérvasaun www.tempotimor.com nota iha tereñu, mate isin Dom Basílio do Nasimento to'o iha pontu entrada Munisípiu Baucau área nagarjo iha tuku 14:30 oras Timor-Leste, sarani, madre no padre sira simu mate isin Dom Basílio do Nasimento ho lia-dadoli no múzika.

Bainhira to'o iha pontu entrada Baucau, parte seguransa asegura mate-isin saudozu Dom Basilio do Nascimento nian to'o pouzada, hafoin iha katedral, hafoin seguransa PNTL no F-FDTL entrega mate-isin Dom Basílio ba Padre no Madre sira hodi lori tama ba igreja laran. (*)

Rate this item
(4 votes)
Last modified on Wednesday, 03 November 2021 21:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items