Login to your account

Username *
Password *
Remember Me

PNDS ‘Abandona’ UKL iha Suku Makalaku

Progresu kontrusaun Uma ba Kbi’it La’ek (UKL) iha Suku Makalaku, Postu Administrativu Kelikai, Munisípiu Baukau. Progresu kontrusaun Uma ba Kbi’it La’ek (UKL) iha Suku Makalaku, Postu Administrativu Kelikai, Munisípiu Baukau. Foto Suplay

Tempotimor (Baukau)-Xefe Aldeia Makalira, Afonsu Martins hatete, durante loron lima (5) ona pesoál  Programa Nasionál Dezenvolvimentu Suku (PNDS) abandona kontrusaun Uma ba Kbi’it Laek (UKL) iha Aldeia Makalira, Suku Makalaku, Postu Administrativu Kelikai Munisípiu Baukau.

"Prosesu UKL hahú iha loron 4 fulan-novembru durante loron lima ona la kontinua tanba materiál, inklui bee mós laiha, ne'ebé ha'u kontaktu ona PNDS maibé sira dehan ba hotu Nasionál tuir teste, teste kona-ba saida, ha'u mós la hatene, ne'ebé ha'u kontaktu bebeik maibé sira dehan tuir treinamentu, dadaun ne'e sira laiha ona Kelikai maibé tuir hotu test iha Dili”, dehan Afonsu Martins ba www.tempotimor.com iha nia rezidénsia, domingu (24/10).

Tanba to'o agora seidauk iha responde ba preokupasaun autoridade lokál nian kona-ba ezijénsia atu finaliza obra kona-ba Uma Kbi’it Laek iha Suku refere.

Kona-ba bee ne'ebé uza ba UKL liuhusi koutasaun ne'ebé iha kompaña ida mak manán hodi fornese ne'e ba uma sira ne'e, maibé bee agora dadaun ne'e maran hotu ona maibé seidauk iha ema ida mak ense.

"Agora ne'e seidauk atinje pursentu 50 (50%) tanba sinta iha leten seidauk sa'e tan, bainhira sa'e ona ne'e ita sura bele dehan atinje pursentu 50 (50%)”, afirma nia.

Iha Suku Makalaku, Programa Uma ba Kbi’it Laek ne'ebé realiza husi PNDS realiza hahú iha aldeia Makalira ne'ebé seidauk atinje pursentu 50.

Dadaun ne'e badaen sira hein hela atu kontinua prosesu UKL nian ne'ebé paradu hela tanba falta bee hodi halo serbísu konstrusaun ne'e.

Suku Makalaku iha Aldeia tolu hanesan, Aldeia Bocilai, Defada'e no Makalira ho totál populasaun hamutuk rihun-ida-resin. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter