Eventu furak ne’e organiza ona husi World Vision hanesan parte ida husi programa TOMAK (To’os ba Moris Di’ak, ka Farming for Prosperity) ne’ebé suporta husi Governu Australia. Reprezentante Munisípiu husi Ministériu Saúde, Ministériu Agrikultura no Peskas, Polísia (PNTL) no Forsa Defeza (F-FDTL), no ONG sira seluk mós partisipa iha selebrasaun ne’e. 

Besik ema 400 agrikultór lokál, produtór, família no kliente merkadu partisipa iha eventu ne’e, ne’ebé inklui aprezentasaun ida teatrál animanda, pontu importante ba papél dezempeñu feto no mane hodi foti desizaun ba nutrisaun família nian. Atividade seluk mak demonstrasaun no kompetisaun te’in uza produtu lokál riku ho nutrisaun no produtór no agrikultór sira iha ligadu ho servisu fornesedór no kompradór sira. 

“La iha ema ida hili atu sai hamlaha ka deznutrisaun,” dehan Lider Ekipa TOMAK Richard Holloway iha Merkadu Sentrál Baucau horisehik. Baucau iha rai luan di’ak hodi prodús ai-han ne’ebé nesesidade atu mantein populasaun saudavel liuhusi saidá mak ita bolu agrikultura sensível ba nutrisaun.  Ida ne’e la’ós idea ida komplikadu, Ida ne’e abordazen agríkola ida ne’ebé, iha termu simples, apoia família sira atu prodús no han di’ak liu. World vision no ninia parseiru lokál sira kolaboladór sira importante ba ita hodi to’o iha komunidade iha Baucau Oeste, no ohin loron mak dezeña ona atu hatudu idea sira balun ne’ebé ita sevisu ba. 

World Vision-nia Koordenadór Projetu, Mauricio Gusmão, hateten “Eventu ohin loron selebra ona agrikultura sensível ba nutrisaun ba família ne’ebé iha Baucau bele kuda no prepara ai-han nutritivu tebes, liu-liu ba sira-nia oan sira. Ami agradese ba ita-nia governu no parseiru projetu sira ba eventu espesiál ida ne’e hodi promove han saudável no ajuda redús deznutrisaun iha Baucau.” 

Reprezentante Prezidente Autoridade Baucau, Maria Celestina Viegas mós prezente iha eventu horisehik nian. “Ha’u fiar katak liuhusi eventu ida ne’e komunidade Baucau haree no rona lalais kona-ba kuda ai-han lokál sira ho nutrisaun aas husi grupu treinadu World Vision nian. Programa sei susesu tanba grupu, família no komunidade sira iha inisiativa atu hadi’ak ai-han lokál sira liuhusi kooperasaun ho governu lokál, inklui, Ministériu Agrikultura no Saúde, no pasreiru dezenvolvimentu sira,” nia dehan. 

Timor-Leste iha taxa deznutrisaun aas ida entre feto no labarik sira iha rejiaun Ázia-Pasífiku. Tuir Peskiza kona-ba Ai-han no Nutrisaun Timor-Leste 2013, 50.2% labarik ho idade fulan 0-59 sofre husi isin-ki’ik [tanba moras] (altura badak ba idade), 11% sofre husi nakrekas (todan tun ba altura) no 37.7% mak la to’o todan normál. 

World Vision Timor-Leste organizasaun ida umanitária ne’ebé servisu iha Munisípiu Aileu, Baucau Bobonaro no Covalima. World Vision servisu ho labarik, família no komunidade sira atu hadi’ak asesu ba kuidadu saúde, bee moos no edukasaun; redús violénsia bazeia ba jéneru, hasa’e moris-di’ak no reziliénsia komunidade nian. 

TOMAK mak programa subsisténsia agrikóla tinan 5-10 suporta husi Governu Australia iha Timor-Leste. TOMAK servisu besik liu ho governu, ONG no parseiru setór privadu sira atu hasa’e involvimentu merkadoria sustentável no hadi’ak nutrisaun família ba família agrikultór sira. Iha nia faze dahuluk, programa realiza ona iha Munisípiu sira Baucau, Bobonaro no Viqueque. 

World Vision iha parseria ho Ba Futuru, Alola Foundation no CARE mak lidera hela implementasaun ba atividade relasionadu ho nutrisaun ba TOMAK iha suku 18 iha Oeste Baucau.(pr)