Print this page

SEKOOP Koleita Sorgu No Husik Fini Ikan  Featured

By August 16, 2019 1693
Sekretariu Estadu Kooperativa, Arsenio Pereira hamutuk ho komunidade sira husik hela ikan ba kolam iha Venilale Sekretariu Estadu Kooperativa, Arsenio Pereira hamutuk ho komunidade sira husik hela ikan ba kolam iha Venilale foto Midia Sekoop
Tempotimor (Venilale) – Atu aumenta produsaun iha rai laran no hodi hemanus dependensia ba sasán importasaun, Governu liuhosi Sekretáriu Estadu Kooperativas (SEKOOP), Tersa (13/08/19) koleita Sorgu no husik fini ikan iha Venilale.
 
Sekretáriu Estadu Kooperativas (SEKOOP), Eng. Arsenio Pereira da Silva, M.Agr hamutuk ho Kooperativas Produsaun Agrikula MOKATIL no agrikultór sira koleita sorgu hektare ida no husik fini ikan ba debu (kolam) iha Suku Uailaha, Postu Administrativu Venilale, Munisípiu Baucau. 
 
Hafoin koleita Sorgu, SEKOOP ba komunidade iha fatin refere hatete sei hakarak halo mudansa ba moris, di'ak-liu envolve hamutuk iha aktividade produtu ne'ebé mak produtór sira produz. 
 
"Ha'u apresia ho esforsu Kooperativas MOKATIL no produtór sira ne'ebé ho inisiativa rasik hodi produz produtu sira," nia dehan. 
 
Entretantu, Xefe Suku Uialaha, Rafael Guterres apresia ho inisiativa Kooperativas Produsaun MOKATIL, hamutuk ho povu agrikultór sira produtu batar ain naruk. Xefe suku mós husu atu aktividade kooperativas hanesan ne'e, tenki iha kontinuasaun. Labele para iha dalan klaran.
 
Nune'e mós, Komite Baze Kooperativas MOKATIL, Postu Administrativu Venilale nian, Mario Caffin promete sei esforsu hodi envolve joven sira halo aktividade produsaun liuhosi  kooperativas produsaun. Nune'e, bele garantia sustentabilidade ba produtus agrikulas hodi benefisia povu Venilale.
Rate this item
(0 votes)
Last modified on Friday, 16 August 2019 13:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items