Print this page

Komunidade Suku Atelari Seidauk Simu Sesta Bázika

Tempotimor(Dili)- Komunidade sira iha Suku Atelari, Postu administrativa Laga, Munisípiu Baukau seidauk simu sesta bázika, tanba Sentru Lojistika Nasional (CLN,Sigla Portugués) seidauk komplenta fós.

Xefe Suku Atelari, Aleixo Ximenes hatete, CLN lori uluk ona sasán balun ba iha loron 9 fulan-marsu, maibé Sesta bazika refere seidauk bele distribui ba komunidade sira.

Tanba sasán hirak ne'ebé lori uluk ona ba sei rai hela iha sede suku no kontrola husi Jovem sira iha suku refere.

“Dadaun ne'e fós rai iha sede suku, kontrola husi juventude suku Atelari nia no sira ne'e mos kontratu ho CLN maibé to'o agora seidauk simu informasaun filafali husi CLN”, dehan Aleixo ba www.tempotimor.com liuhusi telefone, tersa (20/04).

Entretanto prezidente CLN, Augusto Junior Trindade hatete, sira seidauk lori fós kompletu ba no seidauk bele distribui ba komunidade suku Atelari tanbajl sei iha situasaun serka sanitária nia laran.

"Dadaun ne'e Munisípiu Baukau mós hasoru hela situasaun hanesan serka sanitária, ida ne'ebe sériu oituan entaun ita tenke kumpri hodi hakmatek iha fatin, wainhira SS remata mak sei ba fali hodi distribui fós hirak ne'e”, dehan Augusto Junior ba www.tempotimor.com iha kna’ar fatin.

Tanba, foin lalais udan boot bele estraga ona sasán balun ne'ebé rai iha sede suku, maibé husi parte CLN sei troka filafali sasán sira ne’ebé aat hafoin distribui ba komunidade sira maibé mós serka sanitária ne'e remata lai atu nune'e atividade hotu la'o normal. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items