Olívio Akuza Dili Mak Lori COVID-19 ba Baucau

Prezidente Autoridade Munisípiu Baucau, Olívio Freitas ‘BouLessa’ wainhira simu posse  iha Baukau Prezidente Autoridade Munisípiu Baucau, Olívio Freitas ‘BouLessa’ wainhira simu posse iha Baukau Foto Suplai

Tempotimor (Dili) – Prezidente Autoridade Munisípiu Baucau, Olívio Freitas ‘BouLessa’ akuza Baucauoan sira-ne’ebé hela iha Dili mak lori kazu COVID-19 ba munisípiu refere, nune'e nia konsidera seidauk iha transmisaun komunitária (lokál).

“Sira be kona pozitivu ne'e mai hosi hotu Dili, sira Baucauoan duni maibé natoon serka sanitária avizu iha loron 09 marsu 00:00 oras komesa ne'e, loron 8 sira barak mak halai mai depois iha-ne'e (Baucau) mak kona fali, sira-ne'e mak lori mai iha-ne'e, ne'ebé tuir ha’u-nia haree. Ha’u la’ós ema tékniku, buat ne'ebé transmisaun lokál seidauk iha (Baucau) buat ne'e importa hosi Dili mai,” dehan Olívio ba www.tempotimor.com liuhusi telemóvel, segunda (15/03).

Olívio hatutan relasiona ho praparasaun prevensaun COVID-19, parte autoridade hamutuk ho FALINTIL-FDTL, PNTL, ekipa saúde kuaze kada loron halo kampaña kona-bá fase liman beibeik ho sabaun, distansiamentu sosiál no uza maskára.

Nune’e mós komunidade sira-ne'ebé nia família hosi Dili tenke aprezenta-aan atu halo teste antes halibur iha komunidade.

“Família ruma ne'ebé mai hodi Dili tenke informa mos ba tékniku bele hasai sira-nia sampel para teste, labele subar fali hosi sira-nia família, ida-ne'e mak ami ko’alia ba públiku, la hatene halo tuir ga lae ne'e konsiénsia fali ema idak-idak nian,” dehan Olívio.

Entertantu implementasaun serka sanitária ba Munisípiu Baucau rasik sei aplika hahú ohin no sei remata iha 29 marsu 2021, enkuantu desizaun ne'e governu foti bazeia ba númeru kazu pozitivu COVID-19 iha Munisípiu Baucau ne'ebé aumenta pozitivu na’in-6.(*)

Rate this item
(0 votes)
Last modified on Tuesday, 16 March 2021 12:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter