Login to your account

Username *
Password *
Remember Me

Kazu Konfirmadu COVID-19 iha Baucau, Ekipa Saúde Deside Foti Amostra ba Ema Na’in-17

Tempotimor (Dili) – Ekipa hosi Ministériu Saúde (MS) deside foti amostra ba ema na’in-17 ne’ebé iha ligasaun ho ema ida-ne’ebé konfirmadu pozitivu COVID-19.

Portavós Sala Situasaun-Sentru Integradu no Jestaun Krize (SS-SIJK), Rui Maria de Araújo, hateten iha loron 2 fulan-marsu tinan 2021, deteta kazu konfirmadu foun ida iha Baucau

Nia dehan. kazu ida iha Baucau ne'e halo viajen husi Dili ba Baucau iha loron 1 fulan-marsu ho bís naran MABENIFA, xapa-matríkula 36-806 no to'o iha Baucau tuku 8 kalan.

Portavós ne'e informa, iha loron 2 fulan marsu, viziñu sira informa ekipa konjunta saúde Baucau katak ema ne'e kleur ona la hela iha Baucau, posivelmente halo viajen ba fatin kontaminadu ruma no husu atu halo teste.

“Ekipa konjunta foti amostra iha loron ne'e kedas ho ema ne'e rasik nia konsentimentu no rezultadu husi amostra ne'e hatudu pozitivu maibé ho CT (Cycle Threshold) 42,5,” Eis Primeiru Ministru VI Governu Konstitusionál ne’e informa.

Eis Ministru Saúde iha I Governu Konstitusionál ne’e hatutan, ne'e signifika pasiente afetadu duni virus SARS-CoV-2 maski nia iha ona faze rekuperasaun no posibilidade atu nia hada'et tutan ba ema seluk.

Nune’e iha loron 4 fulan-marsu ekipa saúde repete hikas análiza hodi konfirma ninia CT maibé rezultadu hatudu negativu no rezultadu ida-ne'e konfirma katak iha duni prosesu rekuperasaun.

Rui Maria de Araújo esplika, maske ho rezultadu hanesan ne'e, ekipa saúde deside atu foti amostra husi ema hotu ne'ebé kontaktu-besik ho nia iha Baucau nomoos iha fatin ne'ebé nia hela iha Dili BTN II, Tasitolu, aldea Terra Santa, suku Madohi, Postu Administrativu Dom Aleixo Dili.

“Hamutuk hotu iha ema na'in-17 (9 iha Baucau, 8 iha Dili) ne'ebé konsideradu kontaktu-besik ho kazu ida-ne'e maka halo ona teste. Ekipa konjunta saúde iha munisípiu Baucau ho munisípiu Dili sei nafatin buka-tuir kontaktu sira hotu hodi bele estabelese ligasaun entre kazu foun ida ne'e ho posiveis fonte infesaun,” nia katak.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter