Print this page

Deskonfia Iha Sintomas Covid-19, Evakua ema 10 Husi Baukau

Mapa Baukau Mapa Baukau Foto Tempo Timor

Tempotimor (Dili)- Deskonfia ema ida pozitivu Covid-19 iha Munisípiu Baukau evakua hamutuk ho membru familias nain 10  ba Dili iha tuku 20.00 OTL .

"Hodikalan (4/3) tuku walu maka ekipa saude mai evakua hamutuk ema nain sanolu ba Dili. E ohin ne'e ami tenke ba halo sosializasaun iha fatin ne'ebe nia oan sira eskola no kursus ba iha Baukau ne'e," dehan autoridade ida importante ida Baukau ne'ebe husu labele fo sai nia naran.

Tuir Observasaun dezde hodiseik autoridade sira halo vizilansia besik residensia suspeita hela ba, iha besik EDTL Baukau, vila nova. 

iha Kinta lokraik (4/3)Autoridade ne'e explika kona suspeita ne'e katak, "nia orijinálidade ne'e, ita nia ema hela besik kaibada uaimu'a, depois deskonfia nia la'en karik iha kazu, entaun nia hola fali mane ida iha Dili, ema Suai nian, halo atividade hanesan negósiu fa'an sasán iha merkadu terminal tasi tolu."

Suspeita ho ninia oan sira hela besik EDTL Baukau, vila nova maibe halo negsoiu iha Terminal Tasi Tolu maibe orijin husi Maukali, suku Bahu, Baukau Vila.

"Nia oan na'in 7, depois nia oan ida finalista tiha ona tuir kursu iha Baukau, na'in 2 eskola iha SMA 02, rua iha SMA 01, ida iha SMP 03, no ida iha SD 11. Ninia prima na'in rua mak hela ho sira, iha uma ida parte PLM nian, entaun sira hamutuk na'in 10," Autoridade ne'e relata.

"Tuir krónolozia, iha moras ne'e mai husi dili, iha xeta feira liu-ba ne'e, entaun mai tiha iha ne'e, senti la dun di'ak, nia bá konsulta iha Hospital,......sira foti tiha sampel, maibé haree iha ne'ebá falla ituan, entaun sira foti de'it ran, haruka nia bá uma, sé momentu ne'e."

"Ninia analiza hanoin moras bai-bain, ema husi Dili mai, ne'ebé laiha ligasaun ho moras ne'e, tanba lockdown totál Munisípiu rua (Kovalima ho Bobonaru), entaun iha tersa halo teste ba ninia ran ne'e, iha provabel ituan, indikasaun bele ba iha ne'ebá (Covid-19) ou lae."

"Entaun, husi ida ne'e mak foin foti fali tan sampel hodi teste, maibé iha analiza laboratoriu ne'ebé ohin informa mai ha'u katak, faze kritiku ne'e liu tiha ona, tanba faze kritiku loloos ne'e iha Dili, entaun deskonfia ne'e agora iha area ne'ebé mak nia hela, hanesan tasi tolu halo atividade iha ne'ebá ne'e, sésé mak nia hamutuk, bá iha ne'ebé, halo atividade saida."

"Ita tauk ne'e, nia primeiru iha Dili, segundu nia sa'e Bus hamutuk ho ema iha Bus laran, terseiru nia mai iha ne'e hamutuk ho ninia ona, no ninia oan sira ne'e balun ba tuir kursu, balun ba eskola, depois ohin dader mós ninia oan tula ba kaibada uaimu'a ho família, ohin lokraik mai fali mak rezultadu iha laboratoriu ne'e ema la rai segredu, entaun halo pániku, tanba ne'e ekipa vijilansia, ami agora nafatin mantein asegura lockdown hotu kazu ne'e, iha suspeitu ne'e ninia lokalidade iha RDTL nian ne'e, entaun ohin kedas asegura."

"Asegura hodi ohin kedas hein vijilansia iha dalan maka, ami hein iha ne'e, agora faze primeiru husi Hospital referal mai ba afeita ona ninia família uma laran foti tiha ba Hospital ne'ebá para bele hein hela, maibé orsida ba iha ne'ebá mak kontamina iha ne'ebá, entaun asegura de'it iha ninia fatin, para orsida Bus mai karik hein rezultadu maka foin ba, maibé nia inan ne'e mak ba izolamentu ou ho família sira ne'e ba hotu dala ida kedas",

"Nia hela iha kaibada, ninia la'en bai-bain ema bolu A matasatu, Sra ne;e nia naran D, ne'e mak agora hein monitorin hela, sei hein vijilansia husi Dili mak sidauk to'o mai, husi Dili mai atu lori ba Dili," autoridade ne'e hateten.

Autoridade ne'e dehan suspeita lorloron halo negosiu iha Terminal Tasi Tolu no hela iha area BTN Tasi Tolu.

"Ida ne'e, keta nia bá iha ne'ebá (Dili) mak nia la'en husi Suai lori mai mak kona nia ou oinsá, mais durante fulan ida ne'e ema husi Suai movimentu la mai, tuir informasaun ninia la'en ne'e Suai, mais ne'e hanesan inisiu de'it, orsida iha investigasaun nia laran mak ita hatene."

"Nia hela iha Dili hala'o atividade negósiu, depois mai Baukau, mais ita espera buat ne'e labele hetan barak, ha'u predisaun tanba, ninia rezultadu ohin loraik ikus ne'e, faze kritiku liu tiha ona, ne'ebé akompanha tok orsida teste ba ninia família tomak."

Rate this item
(2 votes)
Last modified on Friday, 05 March 2021 09:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items