“Nasaun dezenvolvidu liu ita, Europa, Amérika sira-ne'e, araska hotu , Portugal horseik de'it mate ema atus-hitu (700), horseik. Ita-nian timór mak mate atus hitu loron ida, oooh, ne'e populasaun millaun ida divide ba 700 ne'e to'o hira. Imi sira mak matemátika nian. Juta ida divide ba atus-hitu, basta de'it fulan ida, ita ba hotu ona,” Bispu Dioseze Baucau, Dom Basilio do Nascimento, ko’alia iha munisípiu Baucau, Domingu (3/1).

Bispu ne’e dehan, timór mak mate atus-hitu loron ida, loro-loron, fulan-fevereiru ne'e, timor mamuk ona, animál de'it mak moris iha timór.

“Ita tenke haree buat ne'e timor nia vida, la'ós tanba dehan ha'u hakarak ba misa loro loron, agora tenke halo tuir. Sira seluk mate, mate tesik iha-ne'ebá, hakarak ha’u ba missa. Ne'e mós laloos, ne'e egoizmu. Ne'e la'ós buat sarani nian, ne'e duni ita hotu iha fiar, iha devosaun sarani nian, maibé tenke respeita mós nasaun nia moris,” nia katak.

Bispu Dioseze Baukau ne’e konsidera moras ne’e perigozu liu ne’ebé alastra mundu tomak.

“Ne'e duni maluk sira, orasaun maka’as, fiar maka'as, maibé mós ita tenke tuir regra ne'ebé s governu dekreta no regra ne'ebé Uma-kreda hato'o ba ita hotu nia di'ak,” nia katak. (*)