PR Lú Olo ho Espoza Kuda Ai-Kameli Hun 100 iha Triloka

Prezidente Repúblika (PR) Francisco Guterres Lú Olo kuda hela ai-kameli oan ida hodi simbólika ai-hun 99 ne'ebé seidauk kuda. Triloka (18/12). Prezidente Repúblika (PR) Francisco Guterres Lú Olo kuda hela ai-kameli oan ida hodi simbólika ai-hun 99 ne'ebé seidauk kuda. Triloka (18/12). Foto Tempo Timor

Tempotimor (Baukau)-Prezidente Repúblika (PR) Francisco Guterres Lú Olo ho espoza kuda ai-kameli oan hamutuk hun 100 iha Sentru Dezenvolvimentu Komunitáriu (SDK) Triloka ne'ebé lokaliza iha área Aubaka nian.

Iha atividade kuda ai oan ne'e, xefe estadu dehan, kuda ai oan ne'e nu'udar kontributu PR no timoroan hotu nian hodi kuda nafatin ai oan ba rai ne’e, atu proteze meiu ambiente ne'ebé mak saudavél jerasaun sira tuir mai.

Aman ba nasaun ne'e mós dehan, sentru ne'e la'ós de'it kuda ai oan, maibé ninia mehi boot tebes, atu halo dezenvolvimentu ida ne'e la'o ba oin liuhusi agrikultura ne'ebé sei dezenvolve iha tinan oin mai.

"Esperiénsia ne'ebé horseik ha'u haree no ohin, ha'u halo konkluzaun ida de'it katak ita timoroan mós bele halo di'ak ba ita-nia rai, soké ita-nia kapasidade ne'e sei kiik, para hakat ba oin, maibé impprtante liu mak ita hahú depois mak sukat ita-nia forsa hodi la'o ba oin," PR Lú Olo hateten molok kuda ai-kameli hamutuk ho komitiva, Sesta (18/12).

Nia mós akresenta, bainhira la halo buat ida, depois dehan ema husi rai seluk de'it mak bele, ne'e labele.

"Ha'u fiar metin iha ita-nia kapasidade rasik para bele dezenvolve ita-nia rain. Tanba ne'e ita hotu presiza tulun malu, ba labarik sira, inan-aman, autoriedade sira ajuda malu para oinsa hatudu hela sinal pozitivu ka kuda hela valores sira ne'e iha sira-nia hahalok para bele sira bele kaer tutan katak buat ne'ebé ita halo ne'e di'ak ba sira iha futuru," nia dehan.

PR fó korajen ba sidadaun hotu katak, dalaruma tenke hahú, ema dehan laiha valór, maibé bainhira iha ona nia rezultadu mak ema foin hakfodak katak, buat ne'e iha valór duni.

"Hanesan uluk ita-nia Avó sira kuda hela kulu iha Baukau maka ohin loron ita bele hatene buat furak ne'e, maibé la kuda karik ita mós la esprimenta buat furak ida ne'e. Hanesan mós agora daudaun ne'ebé ita halo," PR Lú Olo hateten.

PR kontinua koopera ho sentru dezenvolvimentu komunitáriu hodi kontinua kuda ai oan sira ne'e ba jerasaun sira iha futuru.

Iha fatin hanesan Koordenadór SDK Padre Martinho Gusmão agradese ba PR Lú Olo no espoza Cidália Mouzinho, tanba molok fila ba Dili, bele liu iha sentru dezenvolvimentu komunitáriu hodi kuda ai oan.

"Iha ne'e ami fó treinamentu ba joven sira, oinsa atu sai servisu di'ak iha sosiedade, mezmu iha fiar no organizasun ne'ebé diferente, maibé SDK fó hanoin ba sira oinsa bele sai servidór di'ak ba ema hotu. Entaun ohin ami haksolok teb-tebes tanba PR ho espoza molok liu ba Dili sei liu husi ne'e, hodi kuda ai oan hamutuk ho ami," Pe. Martinho kontente tebtebes no agradese.

Entretantu SDK ne'e hahú estabelese iha 2004 no fó ona formasaun profesionál ba joven sira ne'ebé hakarak servisu iha seitór agrikultura inklui haruka balun ba iha Australia. Daudaun ne'e joven sira ne'ebé kontinua partisipa iha sentru formasaun ne'e hamutuk na'in 27 ne'ebé mai husi fiar la hanesan, arte marsiál no seluk tan.

Entretantu ai-kameli ne'ebé PR ho komitiva hamutuk ho autoriedade munisípiu Baukau kuda iha hun 100, maibé antes ne'e SDK kuda uluk ona ai-hun rihun tolu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter