Povu Triloka Seidauk Sente Atendimentu Saúde ho Di'ak

Xefe suku Triloka Alexandre da Costa ko'alia hela ho média sira kona-ba kondisaun infraestrutura iha suku Triloka. Kuarta (16/12). Xefe suku Triloka Alexandre da Costa ko'alia hela ho média sira kona-ba kondisaun infraestrutura iha suku Triloka. Kuarta (16/12). Foto Tempo Timor

Tempotimor (Baukau)-Maske suku Triloka lokaliza iha postu Baukau Vila, ne'ebé besik liu kapitál munisípiu Baukau nian, maibé to'o agora komunidade iha suku refere seidauk iha sentru saúde ne'ebé bele fasilita komunidade ho diak.

Xefe suku Triloka, Alexandre da Costa, ukun-aan tinan 18 ona maibé postu saúde ba suku Triloka seidauk iha, alende ne'e komunidade hamutuk uma-ka'in 17 seidauk asesu ba liña eletrisidade.

"Preokupasaun ami-nian iha ne'e mak postu saúde, tanba to'o oras ne'e seidauk iha, no sede suku mos uza nafatin tempu Indonézia nian maibé aat ona seidauk hadi'a," dehan Xefe suku Triloka Alexandre hafoin akompana grupu Hafuku hodi simu vizita PR Lú Olo, Kuarta (16/12).

Autoriedade lokál ne'e mós dehan, alende husi sentru saúde no sede suku, komunidade balun mós seidauk asesu eletrisidade.

"Iha ne'e uma-ka'in 17 mak seidauk asesu eletrisidade tanba dook husi estrada, no asesu ona ne'e 95% nee ita ko'alia hanesan ne'e no 5% mak seidauk asesu," nia informa.

Entretantu suku Triloka kompostu husi Aldeia haat mak hanesan Lekluatu, Makadai, Badaho, Aubaca ne'ebé ho totál populasaun 2.200 resin ne'ebé kompostu husi feto no mane nomós suku Triloka de'it iha nia médida largura 35 kilomentru kuadradu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter