Print this page

PR Lú Olo Simu Ona Lei OJE 2021 No SEi 'Tetu'

By December 17, 2020 1962
Povu Baukau Simu Prezidente Repúblika (PR) Francisco Guterres Lú Olo no espoza Cidália Mouzinho iha Administrasaun Munisípiu Baukau nia oin, molok hakat ba Eskola Sekundária Jerál (ESJ) 01 Baukau. Kuarta (16/12). Povu Baukau Simu Prezidente Repúblika (PR) Francisco Guterres Lú Olo no espoza Cidália Mouzinho iha Administrasaun Munisípiu Baukau nia oin, molok hakat ba Eskola Sekundária Jerál (ESJ) 01 Baukau. Kuarta (16/12). Foto Tempo Timor

Tempotimor (Baukau)-Prezidente Repúblika (PR) Francisco Guterres Lú Olo ofesialmente deklara ona ba povu Baucau karak, nia parte simu ona Orsamentu Jerál Estadu (OJE) tinan fiscal 2021 nian.

Tuir PR Lú Olo, orsamentu ne’ebé Parlamentu Nasionál (PN) enkamiña ona ba meza PR nian, xefe estau sei uza kompeténsia hodi tetu molok deside destinu OJE 2021 ne’e.

“Orsamentu Jerál Estadu 2021 nian ne’e iha ona Prezidente Repúblika nia liman, entaun PR sei haree oinsa para hola desizaun kona-ba ida ne’e,” dehan PR Lú Olo iha suku Caibada Makasa’e hafoin hala’o vizita ba Eskola Sekundária Jerál (ESJ) Kilik Uaiga’e, Kuarta (16/12).

Xefe estadu ne’e mós dehan, bainhira deside ona destinu OJE 2021 nian, espera governu bele la’o ba oin ho di’ak liután.

“Nune’e governu bele la’o ba oin, hodi nune’e labarik sira-nia eskola nian mós bele di’ak liután, karteira bele di’ak, uam sira bele taka halo didi’ak, para labarik sira eskola ho kondisaun ida ne’ebé dignu,” nia dehan.

Xefe estadu ne’e mós afirma, la’ós kondisaun fíziku ne’ebé estudante sira tuur iha laran, maibé bee-moos no saneamentu mós importante no bele tama iha eskola sira par abele la’o ho di’ak, iha mós kampu desportu ba estudante sira.

“Pelumenus, kondisaun ba profesór sira-nia hanesan kadeira, armáriu no material sira seluk ne’e iha para uza hodi hanorin labarik sira,” katak Lú Olo.

Iha parte seluk, vise Prezidente Parlamentu Nasionál (Vise-PPN) Luis Roberto katak, informasaun ne’ebé iha ne’e OJE 2021 enkamiña tiha on aba PR.

“Segunda (14/12) ne’e enkamiña tiha ona ba PR, ne’ebé se promuga lalais ne’e di’ak liután, para tama ba Janeiru 2021 ne’e ezekuta ona ho orsamentu karáter normal,” dehan Luis.(*)

Entretantu Orsamentu Jerál Estadu (OJE) 2021 nian ne’ebé iha billaun $1.895 ne’e hetan ona aprovasaun ho votus a favór 44 kontra no abstensaun zero ne’e PR sei estuda, tanba tuir kompetensia PR nian sei estuda durante loron tolunulu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items