MEJD Promete Sei Hadi’a ESJ Kilik Uaiga’e iha 2022

PR ho kometiva haree direta Kondisaun real eskola báziku  VIII iha iha Caibada. Kuarta (16/12). PR ho kometiva haree direta Kondisaun real eskola báziku VIII iha iha Caibada. Kuarta (16/12). Foto Tempo Timor

Tempotimor (Baukau)- Ministru Edukasaun Juventde no Desportu (MEJD) Armindo Maia promete ba povu Caibada no estudante Eskola Sekundária Jerál Kilik Uaiga’e Baucau katak, iha 2022 governu sei konstroi edifísiu foun iha ESJ Kilik Uaiga’e.

Ministru lekar promesa ne’e ba povu no estudante sira hafoin akompaña Preziente Repúblika (PR) Francisco Guterres Lú Olo hala’o vizita traballu ba munisípiu Baukau.

“Ha’u ba vizita eskola lubuk ida ona iha Timor-Leste laran tomak, maske dezenvolvimentu la’o tinan 20 ona, maibé buat barak mak sei falta teb-tebes. Ohin tama iha eskola bázika VIII ita haree uma nia kakuluk balun monu ona, balun atu monu hotu ona, maibé seiduk halo buat ida, hanesan mós ida ne’e, ne’ebé buat barak mak sei presiza,” MEJD hateten ba estudante sira iha suku Caibada, Kuarta (16/12).

Ministru ne’e mós dehan, sei ko’alia ho ministériu relevante sira hodi tau atensaun urjénte ba eskola refere.

 

 

“Ha’u sei ko’alia ho ministériu sira seluk para haree kestaun ne’e urjentemente, maibé la’ós halo foun hotu, maibé emerjénsia ne’e mak taka fali kalen ruma ne’ebé di’ak para estudante sira bele uza. Atu harii fali eskola foun, ha’u hakarak promete ba mestre no diretór sira katak sei tau iha 2022, ne’ebé iha 2022 mak imi haree, kuandu ministru mai iha ne’e mak eskola ne’e seidauk hadi’a karik imi bele dehan ministru ne’e book-ten ka oinsa,” nia dehan.

Ministru Armindo mós dehan, aula sira ne’ebé iha Eskola Sekundária Jerál númeru 01 Baukau sei atende urjentemente ba aula haat ka lima ne’ebé aat ona.

“Ha’u ohin hateke liu de’it, ha’u sente iha aula balun ne’ebé kee ita tenke tau atensaun urjente, se ita la halo reabilitasaun hotu, maibé iha aula haat ka lima ne’ebé ita presiza tau atensaun,” nia tenik.

Iha fatin hanesan, Prezidente Repúblika (PR) Francisco Guterres Lú Olo mós laran haksolok bele to’o iha ESJ Kilik Uaiga’e, mezmu konsdisaun taka ho kalen no piku.

 

 

“PR hetan solok boot hodi bele mai hamutuk ho imi iha eskola ida ne’e, eskola ida ne’ebé oan no bei-oan sira eskola hodi simu matenek husi imi-nia professor sira par abele sai sidadaun di’ak iha futuru,” nia dehan.

Xefe estadu mós hatutan, naran ida Kilik Uaiga’e ne’e naran kombatente libertasaun nasionál nian ida, ema komandante boot ida nia naran, ne’ebé hamutuk ho ami iha ai-laran ne’ebé dedika nia moris tomak ba povu no rai ida ne’e nia liberdade, maibé to’o ikus nia lakon vida tomak.

Tuir observasaun www.tempotimor.com iha terenu nota katak, eskola báziku VIII nia kondisaun grave tebes ne’ebé balun uma nia kakuuk monu ona, meza no kadeira aat hotu. Alende ne’e mós Eskola Sekundária Jerál (ESJ) Kilik Uaiga’e nia kondisaun iha edifísiu ida de’it mak di’ak, maibé edifísiu tolu seluk ladi’ak inklui la utiliza ona.

Entretantu tuir programa governu liu-liu Ministériu Edukasaun Juventude no Desportu (MEJD) tau ona prioridade katak eskola sira iha teritóriu Timor-Leste laran tomak sei hadi’a eskola 80, ne’ebé governu prevé millaun $20 resin hodi hadi’a problema eskola nian.(*)

 

Rate this item
(0 votes)
Last modified on Wednesday, 16 December 2020 22:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter