MEJD "Dukur" ESG Dom Carlos La Iha Edifisiu

Estudante sira husi  Ensinu Sekundária Jerál, Dom Carlos Filipe Ximenes Belo, SDB tuir hela prosesu aproendisajen Estudante sira husi Ensinu Sekundária Jerál, Dom Carlos Filipe Ximenes Belo, SDB tuir hela prosesu aproendisajen Foto Suplai

Tempotimor (Baucau)- Hahú husi tinan 2014 to'o agora, Ensinu Sekundária Jerál (ESG Sigla Portuges), Dom Carlos Filipe Ximenes Belo Seidauk iha edifísiu eskola, atu bele hanorin estudante hamutuk 104. 

Tanba ne'e, iha tinan 2014-2015, ESG Dom Carlos uza de'it, uma portu Boralai Suku afaça Postu-Administrativu Quelicai Munisípiu Baucau, hafoin iha tinan 2016, ESG Dom Carlos desidi hodi okupa fali, edifísiu Ensinu Báziku III Siklu nian, tanba hetan orientasaun husi edukasaun Munisípiu.

Ensinu Sekundáriu Jerál, Dom Carlos Filipe Ximenes Belo, ezisti Iha loron 7 fulan Janeiru tinan 2014 no lokaliza iha suku Afaça Postu-Administrativu Quelicai, Munisípiu Baucau.

Maske hetan ona legalidade, husi Ministériu Edukasaun, iha tempu ne'ebá, maibé to'o ohin loron, eskola refere seidauk iha edifísiu rasik, hodi fó mahon ba estudante sira, atu tuir prosesu aprendizajen.

Tuir Visé-Koordenadór Ensinu Sekundáriu Jerál (ESG), Calisto Ximenes, hatete iha altura ne'ebá, bainhira sira muda hikas, ba iha edifísiu Ensinu Báziku III siklu ne'e, sira halo ona koordenasaun ho komunidade sira, Iha suku hamutuk ualu (8), hodi apoiu ba konstrusaun edifísiu provizóriu.

Nia hatutan edifísiu Ensinu Báziku III Siklu ne'ebe sira uza, iha aula rua mak ho kondisaun grave tebes, maske nune'e sira kontinua uza, hodi hanorin estudante sira ka durante tuir prosesu aprendizajen.

"Ami laiha edifísiu, uluk ami eskola iha uma portu antigu, iha aldeia Borolai ne'e, eskola harii tanba hetan apoiu husi komunidade suku ualu (8), mak ami hodi harii no momentu ne'ebá ami nia edifísiu laiha, tanba ne'e, ami uza edifísiu provizoriamente, ami hahú eskola iha ne'ebá tinan Rua (2), momentu ne'e señor Vise-Ministru Edukasaun, mak mai legaliza tiha ami nia eskola, depois eskola ne'e nia edifísiu aat tiha, entaun iha tinan 2016, edukasaun husi Munisípiu Baucau oferese fatin ba ami, hodi bele uza lesuk edifísiu Ensinu Báziku III siklu," dehan Profesór Calisto Ximenes ba www.tempotimor.com iha nia servisu fatin, Aldeia Catoli, Santa Teresinha, Suku Afaça, Postu-Administrativu Quelicai, Munisípiu Baucau, segunda (24/8).

Kona-bá atu harii edifísiu ne'e, nia esplika, husi sira Nia parte hato'o ona proposta, ba parte Governu hanesan, Ministériu Edukasun Juventude no Desportu (MEJD) inklui Sekretaria Estadu Formasaun Profisionál no Empregu (SEFOPE).

"Maibé ho proposta ne'e, to'o ohin loron seidauk iha rezultadu, so parte husi SEFOPE mak fó duni apoiu kadeira meza, komputadór ida no leptop ida, nomos iha Eis-Prezidente Repúblika, Taur Matan Ruak nia tempu mos fó duni osan hamutuk rihun ida," dehan nia.

Nia hatutan, momentu atu harii eskola ne'e, komunidade sira husi suku ualu (8) mak fó sira nia kontribuisaun, hanesan fó kalen tahan ida, bebak tahan ida, hodi harii edifísiu, iha Aldeia Borolai suku Afaça.

"To'o agora ami nunka iha edifísiu ruma iha ne'e, hanesan ita boot haree rasik, ami nia edifísiu ida ne'e, ami uza lesuk ka hamutuk de'it edifísiu husi Ensinu Báziku Terseiru siklu nian, ami hato'o ona proposta ba Governu, liu husi SEFOPE, SEJD, MEJD, iha tempu VII Governu, VIII Governu, maibé nia rezultadu ne'e SEFOPE mak konsege ajuda kadeira, komputadór ida, no leptop ida, maibé sira seluk seidauk hanoin atu fó ajudu ruma," dehan nia.

Alende ne'e, nia akresenta mos, kona-bá Profesór sira ne'ebé, ESG Dom Carlos fó kontratu, hamutuk nain rua no Profesór sira ne'ebé servisu ho voluntáriu, hamutuk nain 15.

"Sira voluntáriu ne'e hamutuk nain 15, sira so servisu, hodi apoiu hanorin sira nia oan sira, tanba sira hakarak dudu sira nia oan ba oin, no profesór permanenti loloos husi uluk to'o agora ne'e hamutuk nain rua," dehan nia.

Tuir Observasaun www.tempotimor.com kondisaun edifísiu Ensinu Báziku Terseiru Siklu ne'ebé lokaliza, iha Aldeia Katólika Santa Teresinha, iha Suku Afaça, Postu-Administrativu Quelicai, Munisípiu Baucau, iha aula hamutuk 12, maibé aula haat (4) mak ho kondisaun grave no aula neen (6) mak ho kondisaun sei foun ka di'ak hela.

Iha sorin seluk, moru ne'ebé atu satan netik edifísiu Ensinu Báziku III Siklu ne'e, laiha nomos laiha kampu futebol ba estudante sira, inklui laiha bee moos atu fasilita ba haris fatin, iha edifísiu refere.

Maske lori naran eis Bispo Dili no Premiadu Nobel da Paz, Dom Carlos nia naran maibe kuran atensaun husi Governu hodi halo estudante sira tuir prosesu apriendisajen iha fatin ne'ebe la merese.

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

 

Rate this item
(0 votes)
Last modified on Tuesday, 25 August 2020 06:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.