"Operasaun ne'e hanesan parte estratéjia importante rua ne'ebé VIII Governu oferese ba PNTL, ida mak seguransa rodaviaria rasik no Polisia Komunitária," dehan nia
Tanba ne'e, durante fulan-Jullu sei halo operasaun simpatia no sei tuir reuniaun ho motorista sira hodi apela ba sira no sei halo operasaun regulariza Lei.
"Nune'e ita-nia komunidade ne'ebé utiliza motorizada bele kumpre devér tuir lei," dehan Superintendente Xefe Armando, iha knaar fatin Komandu PNTL Munisípiu Baukau, Segunda (27/07)
Nia hatutan, cheek point foin inisia fali hafoin Timor-Leste hasoru situasaun globál Pandemia Covid-19.
Eis-Komandante Munisípiu Dili akresenta, operasaun ne'e fazeadamente atu la hamosu pániku iha komunidade nia leet, ho objetivu eduka komunidade atu motorista sira bainhira utiliza transporte kumpre lei no regra ne'ebé establese.
Observasaun www.tempotimor.com, Segunda (27/07), nota katak, Komandu PNTL Munisipiu Baukau Diresaun Tránzitu halo operasaun simpatia cheek point iha área Baukau laran ba motorizada sira ne'ebé laiha dokumentu, inklui motorista sira ne'ebé la uza helmet. (*)