Items filtered by date: Thursday, 24 February 2022

Tempotimor (Dili)-Bankada Congresso Nacionál de Reconstrução de Timor (CNRT) iha Parlamentu Nasionál (PN) akuza Deputadu sira husi Bankada Partidu Libertasaun Popular (PLP) durante ne’e abandona hela deklarasaun husi Primeiru Ministru, Taur Matan Ruak, ne’ebé kritika membru Governu balun impede dezenvolvimentu durante ne’e.

Tempotimor (Dili)-Ministru Obras Públika (MOP) hein hela Konsellu Administrasaun no Fundu Infraestrutura (KAFI) atu aprova projetu konstrusaun estrada iha Sarlala, Postu Administrativu Laulara, Munisípiu Aileu.

Klarifikasaun Husi: Diretór Luta Hamutuk, Jose Alves da Costa

Husi parte Luta Hamutuk hakarak husu deskulpa ba públiku, karik lia fuan balun ne’ebé deklara ba Media Online Tempo Timor iha loron 23 fulan fevereiru tinan 2022 ho Notisia títulu; LH Lakohi ‘Haree’ PR Modelu Hanesan Lú Olo, la dun fó satisfasaun ba ita boot sira. Ne’ebé iha biban ida ne’e, hakarak halo klarifikasaun no husu públiku bele akompaña deklarasaun orijinál kompletu tuir mai.

Jornalista TempoTimor husu, Oinsá sosiedade sivil nia esperansa ba Prezidente Repúblika foun ne’ebé sei mai? Diretór Luta Hamutuk hatan: “Husi parte Luta Hamutuk nian, kualkér kandidatu 16 ne’ebé sei hetan konfiansa husi ita nia povu asumi kargu nu’udar Prezidente da Repúblika, primeiru Prezidente ba Timor Tomak, entaun ita tenke apresia ba sira ne’ebé povu fó fiar, maibé antes to’o iha ne’eba, iha prosesu naruk ida, ita sei tama iha prosesu kampaña, ita husu par kandidatus hotu-hotu tenke uza ninia matenek, uza ninia rekursu ne’ebé iha atu labele kria konflitu, tanba ita seidauk sai prezidente mak kria uluk ona konflitu, ita sai Prezidente ita labele rezolve”.

“Ida seluk maka, ita presiza Prezidente ida ne’ebé akumulativu, bele hakuak ema hotu la haree husi kor partidu ninian, tanba ita mós haree katak, iha artemarsiais ho buat sira ne’e, ita labele Prezidente ba parte ida, ita tenki Prezidente ba ema hotu”.

“Ida seluk mak tenke hatur lolos Konstituisaun iha ninia fatin, labele interpreta tun sa’e tuir ita nia gostu, tuir ita nia hakarak, tanba mandatu iha ita nia liman, ita tenki para ho buat ne’e, tanba buat hotu sira ne’e, implika ba ita nia povu, ita ukun-na’in ne’e diak hela, tanba ita hetan asegura husi ita nia seitor seguransa, ita nia salariu aseguradu, maibé ita nia povu, se kuandu instabilidade politika ne’e, iha nafatin, instabilidade iha sosiedade iha nafatin maka dezenvolvimentu sei laiha no povu sei la tur hakmatek eh prezidente labele susesu, tanba nia la konsege hakoak ema hotu, nia la konsege akumula instituisaun, orgaun tolu seluk par oinsá atu halo jestaun iha tinan lima ne’e, ba povu nia moris diak, ida ne’e mak sai hanesan problema”.

“Tanba foin lalais tinan lima kotuk ne’e, ha’u bele dehan katak, ita nia prezidente gagal, tanba saida, ita nia estabilidade politika laiha, ninia implikasaun ba iha governasaun eh ate adata governu labele halo buat ida, entaun ita lakohi par Prezidente ida mai ho modelu ida hanesan ne’e, mosu tan”.

Jornalista Tempo Timor husu, signifika Prezidente ida agora? Diretór Luta Hamutuk hatan, “Ha’u dehan, gagal, ha’u dehan, gagal, ne’e la’os ha’u foin dehan, dezde governu AMP monu, ha’u dehan ona, ita nia prezidente ne’e gagal, tanba saida, ita hakarak uza ita nia poder ne’ebé mak iha par interpreta lei sira ne’e, tun sa’e nufin implika ba iha instabilidade politika, ne’ebé ita lakohi par ida ne’e, mosu tan dala ida”.

Tempotimor (Dili)-Komisaun Nasionál ba Eleisaun sira (CNE) ne’ebé realiza atividade palku ba eleisaun pasifiku ho kultura promove paz no Unidade iha eleisaun prezidensiál, maibé manu aten ne’ebé haree lia-na’in sira hatudu sinál ne’ebé ladi’ak, tanba ne’e kandidatu Prezidente Repúblika sei insulta malu prosesu kampaña nia laran.

Tempotimor (Dili)- Institutu Defeza Direitu Kriansa (INDDICA) bandu família (inan aman) husik labarik partisipa iha kampaña ba eleisaun prezidensiál durante semana rua nia laran (2-16 marsu 2022).

Tempotimor (Dili)-Komandu Polísia Nasionál Timor-Leste (PNTL) Munisipiu Dili, kaptura sidadaun ida ho inisiál AFX (16) ne'ebé lori rama ambon hodi asaltu malu iha suku Madohi, Postu Administrativu Dom Aleixo, Munisípiu Dili.

Tempotimor (Díli)-Ministru Turizmu, Komérsiu no Indústria (MTKI), José Lucas do Carmo da Silva, ofisialmente lansa feira agrofloresta no Turizmu iha Timor Plaza durante loron tolu, iha Timor Plaza.

Tempotimor (Dili)-Polísia Nasionál Timor-Leste (PNTL) prepara komadante eskuadra sira inklui xefe operasaun munisípiu no xefe polisiamentu komunitária sira atu hala’o ba papel seguransa iha eleisuan Prezidnesiál.

Tempotimor (Baukau)-Estudante ne’ebé hahú husi tinan 12 to'o 18 hamutuk na'in-15 iha Munisípiu Baukau simu ona vasina Pfizer.

Tempotimor (Dili)-Diretór Organizasaun Naun Governamental (ONG) Belun, Luis Ximenes deklara, durante monitorizasaun ne’ebé halo ba violénsia iha teritóriu tomak, iha tinan 2021, konsegerejista nímeru violensia kazu disputa rai barak.