Items filtered by date: Monday, 19 April 2021

Tempotimor (Dili)- Atu halo alterasaun dahuluk ba Lei Orsamentu Jerál Estádu (OJE) tinan 2021 nian, Primeiru Ministru (PM), Taur Matan Ruak sei partisipa iha Parlamentu Nasionál (PN), tersa (20/04).

Published in Politika

Tempotimor (Dili)- Membru La Via Campesina Movimentu Kamponezes Timor-Leste (MOKATIL) selebra loron Luta kamponezes internasional ba dala-25 iha loron 17 fulan-abril.

Published in Politika

Tempotimor (Covalima)- Loron segunda (19/4), estudante na'in rua ne'ebé komfirmadu ona ba positivu moras Covid-19 iha kuarentina área Polo, Suku Debus, Postu-Administrativu Suai, Munisípiu Covalima, hakanek pesoal saúde ida, tanba lakohi simu rezultadu teste.

Tuir Komandante Polísia Nasionál Timor-Leste (PNTL), Munisípiu Covalima Superintendente, Antônio Maria de Sá, katak, aktu ne'e krimi, nune'e sei prosesu tuir lei.

"Ohin nain rua mak pozitivu iha kurantina Polo suai ne'e, entaun saúde sira atu mai foti, sira hatudu sira nia asaun ne'ebé la merese, tanba ne'e dezobedensia tuir lei kodigu penal artigu 244, komete ona krime, ita sei hein kazu pozitivu ne'e normál ona maka, ita sei ordena ba investigasaun foti sira presta deklrasaun, depois ita deside bolu naran hatan iha Ministériu Públiku," imforma Nia ba jornalista www.tempotimor.com, iha kuarentina Polo, segunda (19/4).

Nune'e mós, Administradór Munisípiu Covalima, Francisco de Andrade, afirma, estudante na'in rua pozitivu Covid-19 iha kurantina, maibé lakohi kopera ho ekipa saúde sira, no hamosu tán problema hodi hakanek mediku ida.

"Estudante sira lakohi kopera ho saúde sira, hau ho Komandante (PNTL) Munisípiu mai iha ne'e, sira hakilar taka odamatan tama kurtu laran hakilar dehan, Corona bosok, Corona bosok, entaun pesoal saúde sira mai hamriik iha janela para oinsa pozitivu na'in rua ne'e sai ba izolamentu, entaun estudante sira halo reasaun tuku vidru ne'e katik kona mediku jerál Juvelino D.C. de Jesus nia matan fukun ran hotu", Nia konta.

Nia konsidera atetude estudante nian ne'e hanesan kriminozu, tanba tuku vidru hakanek fali pesoal saúde ida, lolos sira tenke komprende no hatudu izemplu, tanba sira hirak ne'e mai husi Dili mak hodi númeru pozitivu Covid-19 aumenta ba 33, no agora sa'e to'o 36.

Nia mós husu ba parte PNTL Munisípiu Covalima atu prosesu asaun ne'ebé estudante sira hatudu ne'e tuir lei.

"Asaun husi estudante halo ne'e, tenke prosesu tuir lei ne'ebé mak iha, nia tenke kumpri aktus ne'e, labele husik", Nia husu

Ho situasaun ne'ebé akontese iha kuarentina Polo, Suai ne'e, parte PNTL ho Administradór Munisípiu Covalima to'o kedas iha fatin hodi halo atuasaun. (*)

Published in Covalima

Tempotimor (Dili)- Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo hatete, iha loron 19 fulan-abril tinan 2021, Timor-Leste rejistu kazu foun pozitivu Covid-19 foun hamutuk 62, no kazu kumulativu durante tinan ida hamutuk 1368.

Published in Saude

Tempotimor (Dili) - Sentru Integradu Jestaun ba Krize (SIJK) iha loron 19 fulan-abril tinan 2021 fó sai pasiénte pozitivu iha izolamnetu Vera Cruz, kategoria Moderadu ho kondisaun isin-rua iha na’in-2 ne’ebé ida partu normal no ida partu oan-kaduak.

Published in Saude

Tempotimor(Dili) - Prezidente Sentru Lojístika Nasionál(CLN Sigla Portuges), Augusto Junior Trindade hatete, CLN iha konesimentu negosiante balun fa’an, maibé ho folin ne’ebé defini US$12.50 kada saka ida.

CLN iha informasaun kona-ba negosiante ne’ebé fa’an fós ho marka MTCI no balun fahe durante iha serka sanitária, tanba sira hola iha armazen CLN hafoin ba fa’an no fahe.

Maibé, sira ne'ebé husi Munisípiu mak mai hola iha armazen CLN ne'e sira hetan rekomendasaun husi autoridade lokál.

“Ba sira ne'ebe atu mai hola fós iha CLN tenke mai ho rekomendasaun ida husi autoridade lokál ho objetivu katak fós ida sira hola ne'e tenke iha akompanamentu para fós ne'e ba to'o fali iha fatin ne'ebé hetan rekomendasaun”, dehan Augustu iha nia kna’ar fatin, segunda (19/04).

Folin fós ho marka MTCI ne'e variativu, fós ne'ebé hola iha armazen CLN ho folin US$8.75, maibé ba fa’an iha teritoriu laran ho folin US$12.50.

"Maibé Folin lolós (Harga mati) ba fós marka MTCI mak US$12.50, tanba sira sura ho sira nia kustu carregas nomós selu transporte entaun sira bele hasa'e nia folin, maibé labele liu folin US$12.50”, afirma nia.

Ho kustu sira ne'e sura hotu ona, maibé ba mak sira fa’an ho folin liu US$12.50 ba leten, sira halo manipulasaun no CLN liuhusi ALFAESA ho polísia hodi bele halo asaun.

Tanba governu nia intervensaun ne'e normaliza presu, no nogosiante ne’ebé hasa’e folin hanesan ho kompaña privadu presiza muda.(*)

Published in Ekonomia

Tempotimor (Dili) - Diretór Klinika Bairo Pite, Inácio dos Santos hatete, iha fulan-marsu númeru pasiénte ne'ebé halo tratamentu hamutuk rihun 12 resin.

Published in Saude

Tempotimor (Dili) - Primeiru Ministru (PM), Taur Matan Ruak, segunda ohin (19/04) halo teste swab tan fali, tanba funsionáriu Gabinete PM na’in-rua (2) ne’ebé detetado pozitivu ba Covid-19.

Published in Saude

Tempotimor (Dili)- Funsionáriu na'in-rua (2) iha Gabinete Primeiru Ministru (PM), Taur Matan Ruak, komfirmadu moras Covid-19 iha palásiu governu, segunda (19/40).

Published in Saude

Tempotimor (Dili) - Komunidade balu iha aldeia Belebatu, Suku Ailili, Postu administrativu Manatutu Villa, Munisípiu Manatutu, hetan granada ida ho kondisaun sei di'ak iha sira nia uma-leet, sesta (09/04).

Published in Seguransa Defesa
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter