Print this page

Adminitradór Preokupa Volume Dezempregu Kontinua Sa'e iha Ainaru

By January 10, 2022 732
Administradór Munisípiu Ainaro, Leovigildo Amaral Perreira. Administradór Munisípiu Ainaro, Leovigildo Amaral Perreira. Foto Tempo Timor

Tempotimor (Ainaro)-Administradór Munisípiu Ainaro, Leovigildo Amaral Perreira, preokupa volume dezempreguiu iha Munisipiu kontinua sa'e tanba laiha kampu traballu.

"Iha momentu importante ida ne'e ha'u hakarak hato'o ba sua eselénsia primeiru ministru katak, dezempregu aumenta iha Munisípiu Ainaru, tanba laiha kampu de traballu”, dehan Leovigildo Amaral ba Primeiru Ministru, Taur Matan Ruak, iha Munisípiu Ainaru.segunda (10/01).

Maske iha ámbitu Konfinamentu Obrigatóriu no Estadu Emerjénsia konsege aplikasaun ona Sesta Bázika joven sira halo servisu maibé la konsege rezolve problema dezempregu iha Munisípiu Ainaro nian.

Nune’e mós programa maun de obra, nomós programa uma kbi’it la’ek maibé la konsege minimiza volume dezempregu.

Alende ne'e mós husu ba Primeiru Ministru, Taur Matan Ruak atu kontinua nafatin programa Sesta bázika, no uma kbi’it la’ek, hodi kontinua sustenta komunidade sira-nia moris loroloron.

"Ha'u-nia proposta se bele karik programa sira ne'ebé lori benefisiu ba povu bele kontinua iha tinan 2023”, haktenik nia.

Iha ne’e, Adminitradór mós aprezenta kona-ba problema rai ne'ebé mak sai difikuldade ba ajénsia administrasaun públiku nian tanba ne’e husi atu buka solusaun ba komunidade balun ne'ebé hela kleur iha rai Estadu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items