Login to your account

Username *
Password *
Remember Me

Administradór Husu Lú Olo ‘Hamaus’ Governu Hadi’a Estrada Ainaro

Administradór Munisípiu Ainaro, Leo Vazílio Amaral Pereira. Administradór Munisípiu Ainaro, Leo Vazílio Amaral Pereira. Foto Suplay

Tempotimor (Ainaro)-Administradór Munisípiu Ainaro, Leo Vazílio Amaral Pereira, husu Prezidente Repúblika (PR), Francisco Guterres 'Lú Olo', atu hamaus Governu hodi apoiu hadi’a estrada iha munisípiu Ainaro.

"Husu ba na’i prezidente atubele fó apoiu tomak hodi konvense Governu sentrál apoiu kapital dezenvolvimentu iha setór infraestrutura bázika hanesan estrada, liliu iha kapitál munisípiu Ainaro atu fasilita di'ak liután setór turizmu komunitárii, tanba munisípiu Ainaro iha nia beleza ne'ebé furak hanesan Foho Ramelau, Kablake, Bee Dokomali no fatin seluk ne'ebé furak, nune'e bele atrai turista lokál no turista internasionál atu mai iha munisípiu Ainaro”, dehan nia ba PR Lú Olo bainhira partisipa diálogu iha Salaun Parokia Ainaro, kinta (19/11).

Tanba ne’e, bele fó benefisiu ba komunidade sira ne'ebé halo atividade negosiu hodi hasa'e ekonomia iha rai laran.

Administradór Hato-Builiku, Munisípiu Ainaro, Armando de Araújo, nu'udar reprezentante suku 4 husi Hato-builiku no 21 aldea ho totál polusaun Hato-Builiku 12.69 deklara problem boot liu ne'ebé sira hasoru mak, estrada no eletrisidade.

"Problema boot ba postu Hato-Builiku mak Ramelau ne'e sai hanesan tilun ida ba ita-nia nasaun Timor-Leste iha rai liur, rai laran hodi mai vizita,  tanba ne'e mak husu ba nai prezidente oinsá mak bele konvense ministériu sira ne'ebé mak relevante ba área turistiku, ba área konstrusaun estrada areadores hahú husi Maubisse ba Hato-Builiku”,afirma nia.

Prezidente Repúblika, Francisco Guterres 'Lú Olo' informa, kestaun sira ne'e hatudu katak prezensa Governu ninian sempre hamutuk iha komunidade  sira-nia leet.

"Governu nafatin iha kumprimisiu boot tebtebes atu ajuda ita-nia komunidade, ajuda imi rasik atubele hetan solusaun ba imi-nia problema e hodi bele hadi’a nafatin moris ita-nia povu ninian no husi investimentu ne'ebé mak Governu rasik kada área idai-dak halo iha ita sira-nia rai iha Ainaro”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter