Login to your account

Username *
Password *
Remember Me

MAPKomS Lansa Programa Naroman ba Suku iha Mulo

Ministru Francisco Martins Jerónimo, lansa Programa Naroman ba Suku, iha suku Mulo, Postu Administrativu Hatu-Builiku, Munisípiu Ainaro, tersa (07/09). Ministru Francisco Martins Jerónimo, lansa Programa Naroman ba Suku, iha suku Mulo, Postu Administrativu Hatu-Builiku, Munisípiu Ainaro, tersa (07/09). Foto Tempo Timor

Tempotimor (Ainaru)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, lansa Programa Naroman ba Suku, iha Suku Mulo, Postu Administrativu Hatu-Builiku, Munisípiu Ainaro.

"Programa naroman ba suku ne'e, primeiru sei fasilita komunidade no joven sira liuhusi kapasitasaun iha área jornalizmu oinsá mak sira bele kobre potensialidade ne’ebé suku iha hanesan agrikultura, turizmu no rekursu importante seluk", dehan Ministru Francisco Martins iha suku Mulo, tersa (07/09).

Governu nia programa ne'e lori Governu ba povu nia leet, hodi rona povu nia hakarak, hodi hatene komunidade sira-nia preokupasaun, nune'e mós hakarak rona saida mak komunidade sira hakarak aprezenta ba Governu.

"Atu nune'e motiva ita-nia komunidade sira motiva ita-nia populasaun ida atu sente labele izoladu, nune'e dezenvolvimentu ne'ebé la'o dadaun ne'e mós bele hakat to'o iha sira-nia fatin, tanba ne'e ita lori programa naroman ba suku mai iha suku Mulo", dehan nia.

Meius ne'ebé mak Governu hakarak halo, nune'e hakbesik-an ba povu nomós povu bele koñese no hahú intende malu oinsá mak bele dezenvolve rai ida ne'e liliu saida mak bele akontese iha suku Mulo.

"Programa naroman ba suku ida ne'e ki'ikoan ida ne'ebé mak ami bele halo ba ita-boot sira ida ne'e buat ki'ik ida ne'ebé ami halo ba ita-boot sira, ami hein katak ida ho ki'ik ne'e tau hamutuk no loron ida sei sai boot", hatete nia.

Xefe Suku Mulo, José Fernandes Andrade, agradese ba Governu tanba bele lansa ona programa naroman ba suku iha suku Mulo.

"Hodi komunidade suku Mulo nia naran hato'o agradese wain tebes ba programa Governu nia ne'e, tanba suku ida ne'e bele mós hetan ona programa naroman ba suku hanesan mós iha suku seluk", dehan nia.

Entretantu partisipa iha serimónia lansamentu programa naroman ba suku ne'e husi Segundu komandante PNTL Munisípiu Ainaru, Administradór Munisípiu Ainaro, Gabinete SEKoop, Xefe Suku, Xefe Aldeia no Komúnidade sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter