Administradór Postu Hatu’udu Hein Tulun Dezenvolve Fatin Turizmu

Lagoa Debileu iha Aldeia Dausua Suku Loilima Postu admistrativu Hatu'udu Munisípiu Ainaro potensia ekonomia bainhira dezenvolve sai nu'udar turismu komunitaria, Sesta (18/9) Lagoa Debileu iha Aldeia Dausua Suku Loilima Postu admistrativu Hatu'udu Munisípiu Ainaro potensia ekonomia bainhira dezenvolve sai nu'udar turismu komunitaria, Sesta (18/9) Foto Tempo Timor

Tempotimor (Hatu'udu)-Postu Admistrativu Hatu'udu sai mós nu’udar fatin potensial ba turizmu tanba iha lagoa tolu ne’ebé ho ambiente furak no bele dada ema atu ba vizita bainhira dezenvolve ho di’ak.

Lagoa ne’ebé lokaliza iha Hatu’udu mak hanesan lagoa Bikan Tidi, Debileu, Estatopa, no lagoa kiik sira seluk.

Daudauk ne’e lagoa hirak ne’e komunidade sira ba hakail ikan no sai fatin ba animal sira hemu bee.

Autoridade lokal no komunidade sira iha ona hanoin atu bele dezenvolve fatin turizmu ne’e, maibé sira-nia kbiit la to’o.

"Ami-nia Kbiit mak la to'o intermus de finanseiru i intermus kapasidade teknika, oinsa bele dezenvolve se ami faila iha ne'e," dehan Admistrador postu admistrativu Hatu'udu Rogério da Costa iha Aldeia Dausua, Suku Leolima, Sesta (18/9).

Rogério dehan, bainhira ministeiru relevante hakarak atu ajuda, autoridade lokal no komunidade sira prontu atu kontribui.

"So ke ministeiru relevante foti no tau iha planu prioridade ne'e mak ami hein seidauk, ami hein ministeiru ida mai hakarak dezenvolve ida ne'e, ami nia planu iha tiha ona," dehan Rogério.

Rate this item
(0 votes)
Last modified on Tuesday, 29 September 2020 08:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.