Login to your account

Username *
Password *
Remember Me

Tempotimor (Dili)-Hafoin hatama ona keixa kontra CPN-CNRT, Sekretariu Jeral Partidu FRETILIN, Dr. Marí Alkatiri promete ona katak sei lori tan keixa tolu ba Ministériu Públiku (MP) iha tempu badak ne'ebé kontra bankada Kongresu Nasionál Rekonstrusaun Timor (CNRT) iha Parlamentu Nasionál (PN), sidaudaun ruma inklui mos media balun.

Tempotimor (Dili)-Sekretáriu Jerál partidu Frente Revolusionáriu Timor Leste Independente (Fretilin) Marí Alkatiri  (MA) keixa ona Komisaun Politika Nasionál (CPN) partidu Kongresu Nasionál Rekonstrusaun Timor (CNRT) ba Ministériu Públiku (MP) relasiona ho akuzasaun ne'ebé CPN partidu CNRT nian halo hasoru Marí Alkatiri.

Tempo Timor (Dili) - Sekretariu Jeral FRETILIN, Dr. Mari Alkatiri sei hato’o Keixa ba Ministeriu Públiku (MP) hasoru membru CPN Partidu CNRT sira ne’ebé tuir akuza nia simu subornu husi Kompaña ConocoPhillips.

"Aban, loron-07 fulan-Jullu tinan-2020, iha oras tuku 10 dader HTL, Sekretariu Jeral FRETILIN, Dr. Mari Alkatiri sei hakat ba Gabinete Prokurador Jeral da Repúblika iha Colmera, Dili, atu hato’o ninia keixa hasoru membru CPN partidu CNRT nian sira ne’ebé raut fila fali lixu husi tinan-2002 ne’ebé akuza Dr. Mari Alkatiri simu subornu husi kompaña ConocoPhillips," informa iha Komunikadu de imprensa ne'ebe www.tempotimor simu This email address is being protected from spambots. You need JavaScript enabled to view it..

Koalia kona-ba prosesu ba Ministeriu Públiku, Sekretariu Jeral FRETILIN esplika katak iha tinan barak nia laran ona mak nia sai vitima ba black campaign oioin hahu husi diskriminasaun vitima ba vingansa oioin no vitima ba inveija. Tamba ne’e, Dr. Mari Alkatiri hatete, “tempu to’o ona ba ha’u atu halo apelu ba RDTL nia sistema Justisa.”

“Tempu to’o ona atu fo tempu ba Justisa Estadu RDTL nian,” Dr. Mari Alkatiri subliña.

Dr. Mari Alkatiri hahu ninia luta ba Timor-Leste nia independensia ho otas ne’ebé nurak tebes, seidauk atinji idade tinan 20. Ninia luta ba Timor-Leste nia Ukun Rasik An sei kontinua to’o ohin loron ho idade tinan 70 liu ona.

“Iha tempu naruk ida hanesan ne'e ha’u hasoru dezafiu oi-oin; Dezafiu luta kontra kolonialismu, dezafiu luta kontra espansionismu rejimi Suhartu nian, etc., maibé, dezafiu ida permanente liu no foer liu mai kedas husi ha’u nia maluk timor oan sira balu. Besik tinan lima nulu mak ha’u, ho hau nia familia tomak, sai vítima ba sira. Vítima ba diskriminasaun oin-oin, ba ódiu no vingansa, ba inveja.” Dr. Mari Alkatiri hatete.

Tuir Dr. Mari Alkatiri, hahalok at sira ne’e hasoru nia seidauk para maibé hetok sai boot no forte liu tan. Ate to’o ona iha faze ida ne’ebé mak ema sira ne’e rasik la konsege hafahe entre ida ne’ebé mak lia los no ida ne’ebé mak lia bosok.

“Agora, iha faze ida ne’ebé sira tama ba dezesperu, sira haboot tan sira nia odiu mai ha’u, sira hatudu momos sira nia frakeza, uza lia bosok atu difama, hala'o kalunia ho injuria, atu taka sira nia sala durante tinan sanulu resin rua ukun Timor-Leste. Atu halai husi Justiça, sira buka atu trava FRETILIN nia dalan ba vitória." Dr. Mari Alkatiri esplika.

Tamba ida ne’e duni mak Dr. Mari Alkatiri deside lori keixa ba Ministeriu Públiku hasoru CPN partidu CNRT nian ba lia bosok ne’ebé sira públika hasoru nia.

Tempu to’o ona ba Timor oan tomak atu hatene lia los kona-ba bosok sira ne’ebé partidu CNRT nia estrutura no kuadru balu halo.

“Lia los deit mak dalan diak ba Timor-Leste ida Buras Liu,” Dr. Mari Alkatiri konklui iha komunikadu refere.

Tempotimor (Dili) - Bankada Partidu Congresso Nacional Reconstrução Timor-Leste (CNRT) duun Sekretáriu Jerál Partidu FRETILIN, Marí Alkatiri, buka lohi Primeiru Ministru (PM), Taur Matan Ruak, atu simu todan kona-ba kazu Ró Haksolok.

Tempotimor (Dili) Maske parte Sekretariu Jeral partidu FRETILIN fo sai ona iha publiku katak ninia advogadu prepara ona kazu kona CPN partidu CNRT maibe bankada Parlamentar Konselhu Nasional Rekonstrusaun Timorense (CNRT) kontinua du'un Sekretariu Jeral (Sekjer) Fretilin Mari Alkatiri simu subornu husi Kompana ConocoPhilips ho montante tokon 5 Dollar Amerikanu.

Tempotimor (Dili) - Partidu Congresso Nacional Reconstrução Timor-Leste (CNRT) ameasa hato'o keixa kontra Sekretáriu Jerál Partidu FRETILIN, Mari Alkatiri tanba konsidera halo deklarasaun insultu hasoru Prezidente Partidu CNRT, Kay Rala Xanana Gusmão.

Tempotimor (Dili)-Xefe estadu maiór F-FDTL Maijór Jenerál Lere Anan Timur husu ba lidér nasionál sira husi 74 atu para ona vinga malu no ataka malu hodi hatudu rat hela memoria aat ba jerasaun foun. Tuir Lere wainhira lider sira iha sala ruma lori malu ba tribunal, labele ke'e malu iha midia hodi halo públiku interpreta oioin no hamosu diskriminasaun entre lider sira.

Tempotimor (Dili)-Bankada CNRT iha Parlamentu Nasionál konsidera Sekretariu Jeral FRETILIN Mari Alkatiri hahú lansa informasaun iha ninia pajina facebook hodi minimiza asaun karidade ne’ebé Prezidente CNRT Kay Rala Xanana Gusmão halo.

Tempotimor (Dili)-Deputadu Bankada CNRT iha Parlamentu Nasionál sadik Sekretariu Jeral Partidu FRETILIN atu lori kazu hasoru Oceanic Exploration ba tribunal.

Deklarasaun deputadu CNRT Gabriel Soares ne’e estatutu facebook Alkatiri ne’ebé ameasa atu lori Konsellu Politika Nasionál (CPN) partidu CNRT tanba konsidera halo akuzasaun falsu hasoru nia.

Tuir Gabriel, di’ak liu Alkatiri lori kazu hasoru Oceanic Exploration tanba Oceanic Exploration mak fó sai akuzasaun hasoru Alkatiri.

"Mari Alkatiri, iha ninia facebook, ameasa atu bolu ninia advogadu hodi hatama kazu ne’e ba Ministériu Públiku (MP). Husu boot ba Mari Alkatiri lori kazu ne’e ba Tribunal hasoru Oceanic Exploration, tanba Oceanic Exploration mak fó sai hotu númeru konta bankária, hanesan 01649*** no mós 0159***," dehan Gabriel liu husi konferénsia imprensa iha sala bankada CNRT, Kuarta (24/06).

Lee mós: La Simu Akuzasaun MC CNRT, Alkatiri sei Lori CPN-CNRT ba MP

Entretantu, molok ne’e,Sekretariu Jeral Partidu FRETILIN Mari Alkatiri sei lori Konsellu Politika Nasionál partidu CNRT ba tribunal tanba públikasaun iha pajina facebook media centre CNRT ne’ebé akuza Sekretariu Jeral FRETILIN ne’e simu suborno husi kompaña ConocoPhillips iha tinan 2000.

Alkatiri liu husi ninia pajina facebook informa katak nia advogadu prepara ona atu lori CPN partidu CNRT ba tribunal tanba iha públikasaun media centre CNRT hatete katak CPN partidu nian mak fó sai deklarasaun suborno ne’e.

"Relasiona ho informasaun falsu ne'ebé públika hanesan iha foto ne’e, ha'u-nia advogadu sira prepara hela no iha tempu badak ha'u sei hatama keisa krime ba Ministériu Públiku. Sira ne'ebé assina desizaun CPN/CNRT sei ba Ministériu Publiku atu hatán ba akuzasaun ida ne'e,” deklara Alkatiri iha ninia estatutu facebook ne’ebé www.tempotimor.com asesu, Tersa (23/06).

Tempotimor (Dili)-Sekretariu Jeral Partidu FRETILIN Mari Alkatiri sei lori Konsellu Politika Nasionál partidu CNRT ba tribunal tanba públikasaun iha pajina facebook media centre CNRT ne’ebé akuza Sekretariu Jeral FRETILIN ne’e simu suborno husi kompaña ConocoPhillips iha tinan 2000.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter