Items filtered by date: Wednesday, 10 February 2021

Tempotimor (Covalima)-Vise Ministru Komérsiu Industria hala'o vizita direta ba kompañia Holgapa Lda ne'ebé halo distribuisaun programa sesta básika iha suku Suailoro, Postu Administrativu Suai Munisipio Covalima.

Tempotimor (Dili)-Segunda semana ne'e Vise Primeira Ministra no Ministra Solidariedade Sosiál no Inkluzaun (MSSI) Armanda Berta do Santos no Ministru Justisa (MJ) Manuel Carçeres asina akordu ida hodi apoiu subsídiu ba eis prizoneiru sira, maibé MJ rejeita kedas subsídiu ne'e iha Palásiu Governu.

Tempotimor (Dili) - Ministra Saúde Odete Belo, hateten deputadu sira iha Parlamentu Nasional (PN) iha direitu atu ko'alia maibé la signifika ministériu la halo servisu tanba durante ne'e funsionamentu iha ospitál funsiona normál hodi atende pasiente sira.

Tempotimor (Dili)-Deputadu Bankada FRETILIN Dário Madeira, husu ba Ministra Saúde (MS) Odete Maria Frreitas Belo atu labele ministra de'it ba covid-19 maibé tenke ministra roda iha ministériu laran.

Tempotimor (Dili) - Xefe Estadu Maiór FALINTIL-FDTL, Majór Jenerál Lere Anan Timur, dalabarak hatama proposta maibé Governu liuhosi Ministru Defeza nunka fó osan barak ba instituisaun refere.

Tempotimor (Dili)- Governu liuhusi reuniaun Konsellu Ministru (KM) hasai ona desizaun hodi nomeia Administradór Munisipál 3 hanesan Aileu, Ainaro no Covalima.

Tempotimor (Dili)- Sekretariu Estadu Koperativa (SEKooP), Elizario Ferreira afirma koperativa kreditu ne'ebé dadaun estabelese iha Timor-Leste hodi fó kreditu ba populasaun sira hamutuk 33, nune'e bele dezemvolve produsaun iha rai laran.

Tempotimor (Dili) - Xefe Estadu FALINTIL-FDTL, Majór Jenerál Lere Anan Timur, hateten durante fulan 2 no 3 ona forsa laiha osan tanba ne'e mak membru forsa armada sira hahú deve ona nesesidade bázika.

Jenerál Lere dehan situasan hirak ne'e mosu halo hodi rezolve nesesidade ne'e mak deve mos di'ak, Timor hotu-hotu hamlaha forsa mós hamlaha ona.

"Agora deve hela fós, deve mina, tabaku mós deve, deve hotu," Lere informa ba jornalista sira iha Palasiu Prezidensiál, Bairu Pite, kuarta (10/2).

Lere informa, se ko'a osan ba interese estadu nia hanoin katak, ne'e kompetensia governu ninian la'ós nia kompeténsia

"Osan la'ós ha'u mak kaer la'ós instituisaun mak kaer, defeza kaer be hasai, la hasai ne'e problema sira nian", dehan Jenerál Lere.

Lere haktuir, buat foun mak halo relatóriu mas ida regulár ne'e Ministru Defeza mak hatene.

Lere fó ezemplu, problema hirak ne'e afeita liu-liu ba forsa sira iha fronteira ne'ebá, ke sira moris la'ós ho osan ransu, entaun sira dezaraska, ó-nia kabun mamuk buka para haan ida-ne'e mak sira halo.

"Mas ami-nia problema mak forsa tenki haan, forsa tenke iha roupa, forsa tenke iha transporte, operasionál no administrativa no forsa tenke iha kilat, forsa tenke iha infraestrutura," Lere hatutan.

Jenerál informa, medida ne'e hotu orsamentu, ne'ebé orsamantu 2021 seidauk sai, sira sei uza orsamentu 2020 ninian.

"Ema dehan deve ne'e la'ós ha'u Lere mak deve, deve ne'e mak F-FDTL mak deve, aban bainrua ó mai husu deve ne'e nusá, ida-ne'e sira konfia," Lere esplika.(*)

Tempotimor (Covalima)-Liga ba deklarasaun Komandante Jerál PNTL Komisáriu Faustino da Costa kona-ba estadu emerjénsia nian katak, sidadaun ne'ebé hakat liu ilegál iha fronteira rai, Polísia Nasionál Timor-Leste (PNTL) sei kriminaliza, maka Unidade Patrollamentu Fronteira (UPF) hahú ona pasa revista iha fronteira.

Tempotimor (Dili) - Xefe Estadu Maiór FALINTIL-FDTL, Majór Jenerál Lere Anan Timur, husu komunidade labele baku bebeik membru forsa armada no membru polísia tanba autoridade defeza no seguransa hala'o misaun atu defende ema hotu.