Items filtered by date: Wednesday, 06 January 2021

Tempotimor (Dili)- Orsamentu Jerál Estadu (OJE) tinan 2020 ne'ebé antes ne'e aloka ba Ministériu Justisa (MJ) ho montante hamutuk millaun $11- resin, maibé ezekusaun husi orsamentu ne'e la konsege kobre ba nesesidade balu, nune'e halo Ministru Justisa (MJ), Manuel Cárceres da Costa halo pedidu hodi husu tán osan ba Ministériu Finansan hamutuk rihun-atus ($100 mill) hodi apoia hahán ba prijioneiru sira iha prizaun laran.

Tempotimor (Dili)- Diretór Kompañia Green Mota-ain, Unipessoal L.da, Domingos Soares Pereira hahú preokupa ho produtu lokál iha rai laran ne'ebé menus ba dadaun no nia folin mós komesa aumenta ba beibeik.

Tempotimor (Baucau) — Bispu Dioseze Baucau, Dom Basilio do Nascimento, halo prediksaun katak kuandu iha Timor-Leste mak ema mate ba COVID-19 atus-hitu (700) kada loron entaun totál populasaun millaun-ida resin de’it bele mate mohu.

Tempotimor (Dili)- Ministériu Administrasaun Estatál (MAE) desidi hasai tiha kompañia Telemor ne’ebé antes ne’e liu husi elite computer instala illegal rede internete, hodi instala fali internet legal husi Timor Telecom.

Tempotimor (Dili)-Relasiona ho surtu Covid-19 ne’ebé hahú númeru aumenta, maka governu fó ona diretiva ba Xefe estadu maiór jenerál F-FDTL Maijór Jenerál Lere Anan Timur hodi reforsa tan seguransa iha fronteira rai-maran hodi prevene ema tama ho ilegalmente iha teritóriu nasionál.

Tempotimor (Dili) - Prezidente Komisaun D ne'ebé trata asuntu Ekonomia no Dezenvolvimentu, Deputadu Antoninho Bianco konsidera distribuisaun cesta bázika ba suku Comoro ne'ebé deskonfia kahur ho na'an no ikan dois no dodok, ida-ne'e tanba populasaun sira maka hili sala.

Tempotimor (Dili)— Komisaun A ne’ebé trata asuntu Justisa no Konstituisionál iha Parlamentu Nasionál bolu petisionáriu na’in-32 hodi klarifika petisaun ne’ebé kestiona konferénsia Asosiasaun Jornalista Timor Lorosa’e (AJTL) ne’ebé hili ona Virgílio Guterres ba iha Conselho de Imprensa (CI) iha loron 4 fulan-jullu tinan 2020 liubá.

Tempotimor (Dili) - Governu liuhusi Ministru Turizmu, Komérsiu no Indústria, José Lucas do Carmo da Silva, ameasa hapara provizóriu kompañia ne'ebé fahe cesta bázika ne'ebé la tuir kritéria.

Tempotimor (Dili)-Xefe Estadu Maiór Jenerál F-FDTL, Majór Jenerál Lere Anan Timur, husu governu atu kria kampu servisu ba joven sira la’ós marzinaliza fali joven sira iha rai rasik inklui iha ema-nia rain.