"Ita uza komputadór rua ne'ebé mak ita hola rasik, ida ba sekretária nia fatin, ida iha ha'u-nia fatin, e ha'u sosa rasik ha'u-nia laptop ne'ebé ha'u uza, tanba ida ne'e mak ha'u dehan Governu tenke kria kondisaun, ha’u la husu maibé se bele kria kondisaun”, informa Alberto Lou Teus ba Jornalista sira iha Sede Komunitáriu Suku Fahiria, Postu Administrativu Aileu Vila, Munisípiu Aileu, segunda (20/12).

Tanba dadaun ne'e mundu la'ós ona primitivu, maibé munud teknolojia ne'ebé mak presiza lalais hodi atende komunidade sira iha tempu ne'ebé presiza.

Mesmu Suku Fahiria hasoru difikuldade barak maibé autoridade kontinua esforsu hadi’a suku nia nesesidade sira ne'ebé presiza tanba durante tinan 14 iha ona administrasaun suku nian.

"Ita-nia sistema administrasaun di'ak tanba ha'u ata, atu kompete ba liurai durante tinan 15 ona, entaun iha sistema administrasaun labarak maibé iha oituan”,  dehan nia.

Antes Ministru Administrasaun Estatál (MAE), Miguel Perreira de Carvalho promete, ona ba sidadaun sira katak sei oferese komputadór ba suku sira nomós reabilitasaun sede suku sira.

"Iha tinan 2022 ita sei fahe komputadór ba sede suku sira, iha tinan ida ne'e mós iha planu hodi reabilitasaun Sede suku sira, tanba sede suku tuan ona, hahú iha Indonézia nia tempu kedas”, dehan Ministru Miguel. (*)