"Agora daudaun Aileu atinje ona % 59.1 husi totál vasinante rihun 31.325 ne’ebé sai alvu, tanba ne’e husu nafatin povu Aileuoan sira atu voluntáriamente hodi partisipa programa imunizasaun ne’e, nune’e bele kontribui taxa persentajen ne’ebé mak define ona”, dehan Ministru Francisco Martins, bainhira hala'o Kampaña vasinasaun Covid-19 iha suku Daisoli, tersa (19/10).

Tanba komunidade sira hahú iha konsiénsia no komprende ona inportánsia simu vasina, bele aumenta imunidade ema nian no fó protesaun ba saúde husi moras kontajioza refere.

Nune'e prezensa membru Governu iha fatinfatin liuliu  iha Aileu ne'e tanba atu kontinua konvense komunidade sira bele partisipa másimu programa vasinasaun. (*)