"Prezensa iha fatin ne’e atu ko'alia ho komunidade sira kona-ba problema Covid-19 ne’ebé mak nasaun enfrenta hodi fó impaktu negativu ba dezenvolvimentu país ninian, tanba Governu hakarak fó protesaun ba nia povu, tanba moras ne’e la’ós afeta de'it ba Timor, maibé mundu tomak”, dehan Ministru Francisco Martins, iha Faturilau, tersa (05/10).

Tanba mundu ohin loron preokupa tebes ho moras ne’e, mak kampaña nu'udar Iiformasaun los ida ne'ebé estadu lori, oinsá sidadaun sira tenke simu vasina atu bele proteje-an hasoru moras ne’e.

"Ita-nia na'i-ulun sira no amu bispu sira hotu simu ona vasina nune’e mós ita-nia líder nasionál sira ne’ebé mak uluk lori funu ne’e to'o remata sira hotu simu ona vasina, hanesan uluk iha tempu difísil ita hotu hamutuk halo klandestina no funu hasoru invazór, tanba de’it hakarak atu ukun rasik-an”, dehan nia.

Ho ida ne’e, husu ba komunidade sira-nia konsiénsia no voluntáriamente hakat ba postu saúde atu vasina, hodi bele la'o livre hala'o atividade sira loroloron.

Marka prezensa iha kampaña ne’e, Diretór DNDI-MAPKOMS, Diretór Saúde Munisípiu Aileu, Komandante Eskuadra Postu Likidoe, líder komunitáriu, pesoál saúde nomós komunidade sira. (*)