PM Taur informa, nia deside halo dialogu ho komunidade afetadu tanba komunidade balun iha Tersa (12/11) dader hasoru nia ho matabeen.
"Iha Tersa dadersan maizumenus tuku 6 ho balun, alin afeitadu sira mai iha Gabineti Primeru Ministru, hasoru ha’u, hakneak hodi tanis, tanba iha informasaun katak ema lori Primeru Ministru Taur Matan Ruak nia naran ba ameasa komunidade afeitadu iha Aileu," dehan PM Taur bainhira hala’o dialogu ho komunidade afeitadu iha salaun Administrativu Aileu, Kinta (14/11/19).
Iha oportunidade ne’e, PM Taur husu ba komunidade Aileu atu hametin unidade hodi dezenvolve di’ak liu tan munisipiu Aileu.