Tempo Timor - Kanal Notisia, Husi imi ba imi

Switch to desktop Register Login

Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Website URL: http://www.tempotimor.com

  

DILI – Estadus Unidus kongratula povu Timor-Leste ba imi nia partisipasaun iha eleisaun antisipada parlementar ne’ebe dame no kredivel iha loron 12 fulan Maiu. Ami fo’o parabéns ba orgaun eleitoral sira nia jestaun eleisaun nian. 

“Ami mo’os apresia servisu hamutuk entre observador internasional no nasional sira, liu-liu ba observador sira husi organizasaun sosiedade sivil” gabinete portavoz Estadus Unidus.

Realizasaun ida ne’e reprezenta pasu krusial ida iha Timor-Leste nia demokrasia ne’ebe sei nurak.

“Ami kongratula partidu politiku sira hotu ba sira nia partisipasaun no espera atu koopera ho governu foun hodi haklean liu tan amizade forte entre Estadus Unidus no Timor-Leste”.

Institutu Repúblikanu Internasional deskobre katak eleisaun parlamentar Timor – Leste la’o ho di’ak no kumpri padraun internasional ba eleisaun livre no justu, prezidente partidu Aliansa Mudansa ba Progresu (AMP), Kay Rala Xanana Gusmão deklara manan ona eleisaun antisipada, maibé husu atu halo re – kontazen hodi hadia diferensia votu entre partidu FRETILIN ho AMP, tanba mosu fallansu balun.‑

“Se kontazen dehan ami lakon FRETILIN mak manan silahkan, maibe atu dehan de’it katak, atu kria mentabilidade ida ne’ebe iha buat balun ne’e tenke loos,” hatete Xanana liu hosi konferensia imprensa iha sede partidu AMP, bairo Grillo – Dili, Tersa (15/05).‑

“Ohin mos ha’u dehan iha fatin balun hare ba dehan númeru rezistu iha livru STAE nian ema nune’e, maibé númeru votu liu fali, no ami hare dehan iha ne’eba ita manan. Bele mai fali ida ne’e, ami lakohi. Ha’u dehan la’e, halo rekontazen didiak,” esplika Xanana.‑

“Ami la persija votu ida katak mai liu ne’e, tanba se livru STAE ne’e dehan nune’e trezentos e vinte quatro mak mosu fali quatrosentos e vinte quatro, dehan votu 100 ne’e mak mai fali AMP ami la aseita. Halo re – kontazen”.‑

“Ida ne’e mak ami dehan dalaruma bele ketik kolen ona karik, kafe laiha. Ne’ebe halo re – kontazen. Ami lakohi liu, ami lakohi menus. Ami hakarak loos, tanba buat ne’e povu nia vontade soberanu. Ita labele halimar ho povu nia vontade ne’e”.‑

Nia garante katak rezultadu re – kontazen ne’e tidak mungkin (imposivel) atu hamenus fali votu AMP nian, tanba AMP iha akta kompletu hosi kada sentru votasaun iha teritóriu nasionál.‑

“Ami iha garantia absoluta katak ami manan. Iha buat ki’ik balun bele la influensia buat ida, maibé ami lakohi mós. Tanba ami rona katak ema balun dehan iha Oe – Kusi ami halo manipulasaun. Horseik sira dehan tenke aprezenta faktu, entaun agora ita aprezenta faktu”.

Antes ne’e mosu ona alegasaun katak partidu AMP halo manipulasaun votu iha Oe – Kusi Ambeno, maibé realidade hatudu laiha. 

Entretantu, bazeia ba rezultadu provizóriu eleisaun antisipada ne’ebé Sekrétariadu Tékniku Administrasaun Eleitoral (STAE) ne’ebé submete ona ba Komisaun Nasionál Eleisaun (KNE) katak partidu AMP mak hetan votu barak liu hamutuk 309,015 (49.59%), partidu FRETILIN hetan votu 212, 974 (34.18%), Partidu Demokrátiku (PD) hetan votu 50, 034 (8.03%) no partidu Frente Dezenvolvimentu Demokrátiku (FDD) hetan votu 34,279 (5.50%). Rezultadu ne’e hatudu katak partidu ha’at (4) de’it mak priense bareira 4% iha eleisaun antisipada ne’e.‑

Dadus ne’e mós hatudu votu validu mak 623,156 (98.27%), votu nulu hamutuk 7,357 (1.16%), votu branku hamutuk 2,995 (0.47%), votu reklamadu hamutuk 598 (0,09%), votu rejeitadu hamutuk 20 (0,00%) no votu abandonadu hamutuk 28 (0,00%).

Entretantu, total votu validu iha eleisaun antisipada hamutuk 784,286 (100%), ema hamutuk nain 634,156 (80.86%) mak partisipa iha eleisaun antisipada ne’ebé kompostu h‑osi mane nain 325,868 (51.39%), no feto nain 308,288 (48.61%). No ema sira ne’ebé la partisipa iha eleisaun antisipada ne’e hamutuk 150,130 (19.14%).

Bazeia ba rezultadu ne’e fahe ba kadeira ho formula D’Hondt katak AMP hetan ona kadeira 34, FRETILIN hetan kadeira 23, PD hetan kadeira 5 no FDD hetan kadeira 3. (Oki)  

Comment

  

DILI – The United States congratulates the people of Timor-Leste for participating in peaceful and credible national parliamentary elections on May 12.  

“We commend the national election bodies for their management of the elections.  We also appreciate the engagement of international and domestic observers, particularly those from Timorese civil society,” said office of the spokesperson in a press released today.   

This achievement represents another major milestone in Timor-Leste’s young democracy.   

“We applaud all political parties for their participation and look forward to working with the new government to deepen the strong ties between the United States and Timor-Leste”. 

The citizens of Timor-Leste went to the polls to vote for the second time in less than a year after President Francisco “Lú-Olo” Guterres called a snap election when he was unable to form a government and pass a budget in the national legislature. 

The International Republican Institute (IRI) found that Timor-Leste’s May 12 parliamentary elections were “efficiently administered and met international standards for free and fair elections.”  

Delegation co-chairs Randy Scheunemann and Bruce Edwards said, “The Election Day atmosphere was peaceful yet energized, with only minor incidents reported during the campaign period which did not affect the election.” 

Meanwhile, president of Alliance Change to Progress or AMP party, Kay Rala Xanana Gusmão also expressed his congratulation to all of the people who participate actively in the weekend election declare that AMP win the early election but he call to recount because of there some irregularities.

He said there are some different numbers between AMP party and FRETILIN.

“So this is we say sometimes they feel tired. So we need to recount. We do not want more as well as minus. We want the truth, because this is because this is the will of people sovereignty. We do not play with people sovereignty,” he said in a press conference.

“We guarantee that the result of recount is impossible affect us because we do this conference with complete acts from each voting center in the country”.

“We have absolute guarantee that we win. There is some small parts but will not influence nothing but we do not want also because we hear some politician accuse us for doing some irregularities in Oe – Kusi Ambeno. Yesterday they said must present the facts so now we present the facts,” he said.

Xanana also call to all of the people to remain calm until high court announces the final result of the early election. (Oki)    

Comment

Governasaun AMP Blokeia Frente Diplomátika

Published in Politika
 Prezidente AMP, Kay Rala Xanana Gusmão liman loos hamutuk ho portaz AMP, Taur Matan Ruak liman karuk iha sede partidu AMP, Tersa (15/05). Foto Valentino Dariel Sousa. 

DILI – Futuru governasaun Aliansa Maioria Parlamentar (AMP) sei la involve partidu sira seluk liliu figura sira mai hosi frente diplomátiku, tanba rezultadu eleisaun antisipada hatudu AMP priense ona kriteria hodi forma governu mesak de’it. 

Maske nune’e, oras ne’e dadauk mosu preokusaun barak kona – bá destinu governasaun AMP nian katak sei la susesu, tanba iha indikasaun katak Prezidente Repúblika (PR), Francisco Guterres Lu – Olo sei vota veto Orsamentu Jeral Estadu governu foun ne’e, maibé prezidente AMP, Kay Rala Xanana Gusmão katak se PR Lu – Olo hakarak veto OJE governasaun AMP, nia tenke aprezenta rajaun legal no politika. 

“OJE ba ka lei ruma ba mak PR veta, ha’u nia alin Taur uluk mós prezidente. Nia maun Xanana mós uluk prezidente. Ne’ebé experiensia iha ne’eba katak atu veta tenke iha rajaun, nia tenke aprezenta fundamentu legal. Ami viola konstituisaun, viola lei ruma. Fundamentu politiku tanba saida mak . . . ne’ebé ha’u hanoin katak Lu – Olo sei hanoin didi’ak,” hatete Xanana liu hosi konferensia imprensa iha sede partidu AMP, Tersa (15/05). 

“Se nia ami hotu hili, ha’u mós tun ba fó apoiu ba nia atu sai prezidente repúblika, la’ós atu sai prezidente FRETILIN. Ha’u mós partisipa kampaña ne’ebé atu hili Lu – Olo nu’udar prezidente repúblika. Nia tenke hatudu mai ami nain rua katak nu’udar prezidente povu tomak nian. Nia labele hatudu frakeza atu rona tuir fali FRETILIN hanesan nia funsiona nafatin nu’udar prezidente FRETILIN. Ne’e ami la aseita,” esplika Xanana. 

“Ne’ebé ha’u hein. Ha’u hatene. Ami nain rua hatene katak Lu – Olo hasai tiha ona dotor direitu iha UNTL, maibé nia tenke prova. Aprezenta rajaun legal tanba saida? Ami viola saida? Aprezenta rajaun politika, tanba nia prezidente repúblika. Nia la’ós prezidente FRETILIN iha ne’eba, iha fatin hotu – hotu. Ami hein katak Lu – Olo sei labele monu ba tentasaun. Dalaruma ita nu’udar umanu ita bele monu ba tentasaun”.

Xanana hatutan, preokupasaun AMP kuandu ka’er ukun atu hare uluk povu nia moris.

“Ami seidauk hanoin ba to’o ne’eba. Prioriedade ami nian mak povu nia moris diak mak ami sei tau matan,” nia promete.

Iha fatin hanesan, portavoa partidu AMP atual prezidente Partidu Libertasaun Popular (PLP), Taur Matan Ruak katak governu unidade nasionál uluk iha Timor ne’e Kay Rala Xanana Gusmão mak ko’alia uluk.

“Nunka akontese, agora ita manan tan iha kadeira 34 ne’e la persija governu unidade nasionál,” esplika Matan Ruak.

Xanana mós haforsa tan katak la persija atu involve ema seluk iha formasaun governu foun ne’e.

“Untuk apa lagi,” haforsa Xanana.

Xanana garante katak sei la iha tan ona eleisaun antisipada, tanba rezultadu eleisaun antisipada hatudu AMP manan maioria.

Antes ne'e, José Ramos Horta deklara katak Kay Rala Xanana Gusmão sei lakon iha eleisaun antisipada ne'e, maibé saida mak Horta ko'alia ne'e halai sai tiha hosi komboiu (kareta api) nia dalan. No oras ne'e Horta deklara ona katak nia prontu apoiu governasaun foun ne'ebé sei forma hosi partidu AMP iha tempu badak. 

Entretantu, bazeia ba rezultadu provizóriu eleisaun antisipada ne’ebé Sekrétariadu Tékniku Administrasaun Eleitoral (STAE) ne’ebé submete ona ba Komisaun Nasionál Eleisaun (KNE) katak partidu AMP mak hetan votu barak liu hamutuk 309,015 (49.59%), partidu FRETILIN hetan votu 212, 974 (34.18%), Partidu Demokrátiku (PD) hetan votu 50, 034 (8.03%) no partidu Frente Dezenvolvimentu Demokrátiku (FDD) hetan votu 34,279 (5.50%). Rezultadu ne’e hatudu katak partidu ha’at (4) de’it mak priense bareira 4% iha eleisaun antisipada ne’e.

Dadus ne’e mós hatudu votu validu mak 623,156 (98.27%), votu nulu hamutuk 7,357 (1.16%), votu branku hamutuk 2,995 (0.47%), votu reklamadu hamutuk 598 (0,09%), votu rejeitadu hamutuk 20 (0,00%) no votu abandonadu hamutuk 28 (0,00%).

Entretantu, total votu validu iha eleisaun antisipada hamutuk 784,286 (100%), ema hamutuk nain 634,156 (80.86%) mak partisipa iha eleisaun antisipada ne’ebé kompostu hosi mane nain 325,868 (51.39%), no feto nain 308,288 (48.61%). No ema sira ne’ebé la partisipa iha eleisaun antisipada ne’e hamutuk 150,130 (19.14%).

Bazeia ba rezultadu ne’e fahe ba kadeira ho formula D’Hondt katak AMP hetan ona kadeira 34, FRETILIN hetan kadeira 23, PD hetan kadeira 5 no FDD hetan kadeira 3. (Oki)

Comment

@2018 - Tempo Timor. Developed by Kalohan.net

Top Desktop version