"Sim iha horisehik mós membru UPF sira halo operasaun auto Stop ba transporte, ikus mai hetan evidénsia iha motorizada ojek laran ne'ebé tau fugetis shot ualu (8) hamutuk lolon sianulu-resin-neen (96), ne'ebé ita-nia membru sira kaer kedas sidadaun ida na’in ba sasán ne'e”, dehan Komandante UPF, Superintendente Euclides Belo, liuhusi telefone, kinta (09/12).
Sidadaun ne’e husi Munisípiu Bobonaro, Aldeia Kolimau ho inisiál, RdA, no bainhira UPF sira halo investigasaun joven ne'e deklara katak lori sasán hirak ne'e atu fa’an iha loron Natal no Tinan Foun.
Entretantu sidadaun refere entrega ona ba Komandu Munisípiu Bobonaro hodi kontinua prosesu investigasaun. (*)