Tempotimor (Dili)-Ministru Finansas, Rui Augusto Gomes loke ona dalan ba leilaun veíkulus estadu nian hamutuk 615 ba faze XV (faze-15).

Tempotimor (Dili)-Ministru Justisa (MJ), Tiago  Sarmento Amarál hatete, iha tinan 2023 mandatu ikus ne’e, polítika Governu nian sei fahe sertifikadu rai nian ba sidadaun sira, liu-liu ema kbiit laek, inklui veteranu sira.

Tempotimor (Dili)-Ohin loron kinta 12 fulan-janeiru tinan 2023, Sekretária Estadu Formasaun Profisionál no Empregu (SEFOPE), Alarico de Rosario, hamutuk hó reprezentante Embaixadór Korea Súl iha Timor-Leste, Jooyun Yang no Diretór Diresaun Nasionál Empregu Exteriór (DNEE), Filomeno Soares, despede tán joven Timoroan na’in 50, atu ba servisu iha área peskas, iha Korea Súl.

Tempotimor (Baukau)-Servisu Edukasaun Munisípiu Baukau, seidauk bele implementa programa merenda eskolar tuir orariu atu hahú iha loron 18 fulan-janeiru tinan 2023 oin, tanba Ministéru Administrasaun Estatál hasai fali manúal foun ba merenda eskolar.

Tempotimor (Dili)-Loron 11 fulan-janeiru tinan-2023, ékipa konjunta kompostu husi Autoridade Inspesaun no Fiskalizasaun Atividade Ekonómika, Sanitária no Alimentár, Institutu Públiku (AIFAESA,I.P) no Diresaun Nasionál Reguladóra Komérsial no Protesaun Konsumidór, notifika ona empreza 3 iha Dili, tanba deskonfia manipula folin sasan.

Tanba, ekipa konjunta halo ona apreensaun ba produtu masin-midar falun-53 (Kg 1) ne'ebé Díli Mart komersializa ho presu $ 1.75, nune'e ékipa konjunta konsidera empreza inventa presu ka halo espekulasaun ba presu.

Nune’e, ékipa notifika ona empreza atu halo klarifikasaun no aprezenta faktura kompra hodi hatene marjen ne'ebé empeza ne'e rasik utiliza hodi implementa presu la tuir regra ne'ebé iha.

Alende ne'e, ékipa konjunta mós notifika empreza rua seluk, hanesan supermerkadu W4 no ROCA Supermarket atu aprezenta faktura ba nesesidade bazíka sira, tamba deskonfia iha aumenta presu.

Asaun intervensaun presu ne'e, AIFAESA kontinua intensifika atu kontrolu operdór ekonómika sira ne'ebé nafatin halo tentativa aproveita situasaun hodi prátika aktu espekulasaun ba presu no asambrankamentu ba produtu sira.

AIFAESA mós nafatin bolu atensaun ba operdór ekonómiku sira atu labele tenta hodi kontra regulamentu sira ne'ebé vigór atu laprejudika operdór ekonómiku sira nia atividade komersializasaun no kontinua garante ba konsumedór presun justu ne'ebé Lei haruka. (*)

Tempotimor (Díli)-Governu liuhusi Ministériu Administrasaun Estatál konsege introduz medida foun ba sidadaun Timoroan sira ne’ebé hela iha rai-li’ur dook husi misaun Diplomata atu bele vota liuhusi postál.

Nune’e, hakarak introdús medida foun hodi aumenta partisipasaun demokrátika sidadaun Timoroan sira ne’ebé hela iha rai-li’ur, liuliu introdusaun ba votu postál ka alargamentu oráriu funsionamentu estasaun votu, matéria ne’ebé ninia regulasaun ne’e bazeia ba determinasaun konstitusionál, hanesan rezerva lejizlativa.

Tanba, diploma ne’e atu inkorpora iha Lei Eleitorál ba Parlamentu Nasionál inovasaun sira ne’ebé introdús ona iha tinan 2021 iha Lei Eleitorál ba Prezidente Repúblika, hodi garante armonizasaun lejizlativa ida ne’ebé boot liu entre lei reguladora sira iha eleisaun órgaun soberania sira.

"Objetivu atu fasilita Timoroan sira hela iha li'ur (diaspora) ne'ebé dook husi misaun Diplomata sira bele vota liuhusi postal”, dehan, Porta Voz Governu, Fidelis Leite Magalhaes iha Palásiu Governu, Kuarta (11/01).

Faze detallu sei esplika iha Parlamentu Nasionál, tanba ohin (11/01) governu aprova ne'e proposta lei ne'ebé ninia diskusaun kle'an sei iha kontinua iha Parlamentu Nasionál.

"Tanba ne'e, tenke debate detallada, ninia métodu seguransa no efikasia iha solusaun ba problema sira ne'ebé mak iha", nia dehan.

Tanba ne’e, governu liuhusi reuniaun Konsellu Ministru aprova ona projetu Proposta Lei, ne’ebé aprezenta husi Vise-Ministru Administrasaun Estatál, Lino de Jesus Torrezão, ba alterasaun dalimak ba Lei númeru 6/2006, loron 28 fulan-dezembru, ne’ebé aprova Lei Eleitorál ba Parlamentu Nasionál.

"Alterasaun ida ne'e resente ida ohin (11/01) proposta anterior sira ba tiha ona iha Parlamentu Nasionál, aprovasaun ida ohin sei haruka fali ba Parlamentu Nasionál hodi substitui fali testu sira ne'ebé iha ona Parlamentu Nasionál", nia afirma. (*)

Tempotimor (Dili)-Governu liu husi reuniaun Konsellu Ministru aprova ona projetu Dekretu Lei, ne’ebé aprezenta husi Ministru Finansas, Rui Gomes kona-ba kriasaun Komisaun Nasional Aprivizionamentu, Institutu Públiku (KNA,IP) no aprova mós ninia estatutu.

Tempotimor (Dili)-Sekretária Estadu Formasaun Profisionál no Empregu (SEFOPE) liu-husi Diresaun Nasionál Empregu Exteriór (DNEE) prepara tán Timoroan na’in-49 atu aranka ba servisu iha Australia.

Tanba, tuir informasaun ne’ebé www.tempotimor.com, asesu iha pájina SEFOPE-Diresaun Nasional Empregu Exterior katak, loron ohin, kuarta 11 fulan-janeiru tinan 2023, DNEE Bekora realiza tán PDB (Pre- Departure Breafing), ba kandidatu traballadór na’in 49, kompostu husi Mane 21 no Feto 28 ne’ebé atu ba servisu iha Australia.

Diretór DNEE, Filomeno Soares hatete, realizasaun programa PDB (Pre- Departure Breafing), ba kandidatu traballadór sira bazeia ba kritéria ne’ebé empregadór husi Australia fó, no faze ida ne’e atu hanorin traballadór sira kona-ba, lei, kultura, no disiplina servisu iha Australia.

Nune’e, husu ba joven timoroan na’in-49, ne’ebé hetan ona oportunidade atu ba servisu iha Australia, hatudu komportamentu servisu di’ak respeita ema nia lei, no servisu mantein iha sistema, hodi bele hetan konfiansa nafatin husi empregadór.

Nia mós husu atu ba servisu labele halai ses husi sistema, tanba halai ses ona husi sistema empregadór sira iha Australia konsidera ita hanesan traballadór lokál, la’os ona hanesan traballadór imigrantes,  nune’e ita hasoru problema ruma governu la iha ona responsabilidade atu rezolve.

Diretór ne’e mós apela ba joven timoroan hotu ne’ebé hetan oportunidade ba servisu iha Australia, atu labele pratika fali artemarsias no arterituais iha ema nia rain, tanba ba servisu la’os hanesan pesoál, maibé reprezenta nasaun no povu Timor-Leste. (*)

Tempotimor (Dili)-Ministru Obras Públikas (MOP), Abel Pires da Silva, prontu halo kordenasaun servisu ho Ministru Petróleu Minerais (MPM), Victór da Conceição Soares, hodi fasilita aselera projetu sira iha Tasi-Mane, perfurasaun mina iha Munisípiu Kovalima.

Tempotimor (Díli)-Governu liuhusi reuniaun Konsellu Ministru ne'ebé prezide husi Primeiru Minístru, Taur Matan Ruak aprova ona alterasaun dahuluk ba dekretu lei Estatutu Institutu Nasionál Siénsia no Teknolojia (INCT).