Lere sei Aprezenta Lista Veteranu 'Versaun Lere' Ba PM Taur Featured

Maijor Jeneral F-FDTL, Lere Anan Timur Maijor Jeneral F-FDTL, Lere Anan Timur Foto Midia PR

Tempotimor (Dili) - Xefi Estadu Maior FALINTIL-Forsa Defeza Timor Leste (F-FDTL), Majór Jeneral Lere Anan Timur sei haruka lista veteranu loloos kuaze 200-resin ba Primeiru Ministru Taur Matan Ruak. Naran hirak ne'e la hanesan ho lista husi Komisaun Omenajen nian. 

"Ha'u sei haruka lista ida ba Primeiru Ministru, la'os lista ida ne'ebé ke Komisaun Omenajen halo ne'e. Rihun ba rihun dala ruma liu fali populasuan Timor ninian, ha'u ba, ha'u haruka lista ida kee loloos, lista ida ke justu. Ha'u la haruka lista ho inventadu", tenik nia, iha Palásiu Prezidensial, Bairru-Pité, Kuarta (12/6). 

Lista veteranu nian ne'ebé loos ne'e sei haruka iha tempu badak nia laran ba Governu, depois iha ne'ebá mak Primeiru Ministru no Prezidente Repúblika sei haree.

"Ita labele konta katak sira iha pensaun. Ahhh... kuitadu pensaun US$ 250.00 fulan ida ne'e. Deputadu sira kuandu sai husi parlamentu iha tinan rua-tolu deit simu pensaun vitalisia ninia osan boot ne'e", dehan Lere.

Ida ne'e hamosu dezigualidade sosial tanba veteranu ida tinan ruanolu resin haat nia laran. Tanba ne'e, Lei kontráriu hotu. 

"Podia ami sira ne'e mak hetan pensaun vitalisia. Posa ami laiha. La buat ida, posa orsida ita riku mós ema la gosta ita, husik ba", tenik Lere. 

Nia afirma lista tama ona mak governu deside, maibé primeiru ne'e uma, tanba ema uluk hela iha fatuk kuak, agora ne'e invez-de hela iha uma diak ruma, labele fatuk kuak nafatin.

Lista ne'e rasik Frente Armada ninian deit, Frente Klandisina laiha, tanba ida agora Komisaun Omenajen ne'e kahur sasan komplikadu. Frente Klandistina, Frente Diplomátika, Frente Armada, Frente Integrasaun tama hotu, agora halo verifikasaun ne'e problema boot", nia dehan

Nia dehan, veteranu tinan 24 ne'e la to'o atus ida, kuaze  98 hamutuk ho sira levantamentu barak liu 200-resin, mas se konta ho sira uluk inimigu kaer ne'e dala ruma to'o 400.  

Rate this item
(1 Vote)
Last modified on Wednesday, 12 June 2019 15:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Video

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com
© 2019 Tempo Timor. All Rights Reserved. Designed by Kalohan.NET