Login to your account

Username *
Password *
Remember Me

Pelican Paradise Ezije Governu Hasai Povu Husi Tasi Tolu Mas TMR La Hasai Populasaun 'Arbiru' Featured

Tasi Tolu Tasi Tolu Foto especial

Tempotimor (Dili) - Governu husu ba kompañia Pelican Paradise atu identifika fatin mamuk sira iha Tasi-Tolu hodi hahú ona obra turistika tuir proposta ne'ebé sira aprezenta. 

Xefe Governu deklara ida ne'e tanba kompañia ne'e aprezenta proposta iha tinan sanulu-resin liubá maibé too agora laiha asaun. Planu projeitu refere la'o kleur duni ona no iha Dezembro 2015, VI Governu Konstitusional aprova fo autorizasaun uza rai Tasi Tolu ba kompania Pelican Paradise Holding Timor Leste atu investe milaun US$ 310,- hodi hari'i hotel fitun lima ho total kuartu hamutuk 464.

"Ha'u horibainhira hateten ba nia (Na'in Kompania Pelican Paradise) bainhira maka nia baruk atu para ordem ne'e. Tan ba uluk ha'u sei Jeneral nia ko'alia tiha on a. Tinan sanolu resin on a nia sei ko'alia nafatin," lamenta PM Taur.

Primeiru Ministru ne'e husu atu labele dada tempu naruk liu tanba Governu laiha razaun atu hasai komunidade sira 'arbiru' kuandu seidauk prepara fatin dignu ba sira.

"Ita mós labele duni sai ita-nia populasuan seim arranja kondisaun ba sira. Ne'ebé, se bele kompania ne'e halo uluk iha rai mamuk sira ne'e", tenik PM Taur, iha Palásiu Prezidensiál, Bairru-Pité, Kinta (23/5).

Nia dehan, Governu iha mehi boot maibe tenke hakat nenenik, kuandu hakarak buat boot halo dala ida ne'e to'o tinan 20 mós sei labele halo buat ruma.

Ne'e duni, Xefe Governu husu atu hahú ona obra no labele hein tempu. Kompañia tenke tau iha asaun la'os ko'alia de'it. Tanba tinan barak ona seidauk iha sinal ruma.

"Saida mak governu husu ba Pelican Paradise katak nia tenke halo uluk buat ruma para ami haree. Nia labele hanoin ita nia populasuan iha Tasi-Tolu ne'e sai hotu dala ida mak nia halo", tenik nia.

Tuir dokumentus ne'ebe Tempo Timor asesu hatudu katak nain husi Pelican Paradise, Datuk Edward Ong, iha 2009 hodi ninia kompania ida naran Asian Champ Investment haruka karta ba Ministra Financas iha momentu ne'eba hodi husu Governu Timor Leste depozita billiaun US$1.2 husi Fundu Petroliferu iha sira nia konta "Blokeadu" iha Hong Kong ho Shanghai Banking Corporation (HSBC) maibe ikus mai Governu rejeita sira nia proposta.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter