“Tuir nia tempu governu sei fó, neebé hau labele temi bainhira, tanba buat hotu tuir nia tempu no dalan, tanba imi akompaña too agora governu seidauk halo buat ida neebé fora husi área”, dehan Ministru Reforma Lejizlativa Asuntu Parlamentár, (MRLAP), Fidelis Leite Magalhães, iha Uma Fukun PN, Segunda (29/4).
MRLAP reforsa, buat hotu Governu halo sempre iha koridór neebé bainhira relata ona ba relatóriu nee mak públika bele hatene.
Ratifikasaun ba delimitasaun fronteira marítima too ohin loron Governu seidauk lori Parlamentu Nasionál hodi debate tanba husi aspetu barak, maibé tuir tempu sei mai para la fo prejuizu ba Timor-Leste.
“Kona-ba detallu hau sei la koalia maibé iha tempu badak lori mai deskute ona mak imi sei hatene, tanba Timor-Leste ho ho Australia sei ratifka hamutuk iha tempu badak nia laran”, tenik Fidelis.