“Tomada de pose ohin ne’e ita prienxe deit vakatura ne’ebé akontese hanesan Komisáriu Komisaun Nasionál Eleisoens tuan, Duarte Tilman, hetan tiha nomeasaun hodi sai konseleiru Juiz iha Tribunál Rekursu, entaum iha vakatura ida iha Komisaun Nasionál Eleisaun nian liu-liu iha parte komisáriu nian”, dehan Prezidente Parlamentu Nasionál, Arão Noé de Jesus, bainhira fó pose ba komisáriu, iha Uma Fukun PN, Tersa (23/4).
Nia hatutan, Prezidente Komisaun Nasionál Eleisaun mak husu mai Parlamentu Nasionál atu fó pose ba komisáriu foun ne’e iha fulan kotuk, maibé la konsege entaun foin realiza hodi prienxe tiha vakatura ne’e para CNE kompleta no efetivu liután iha prosesu eleitoral.
Entretantu, Komisáriu foun CNE, Afonso Carmona dehan, ohin toma pose tanba komisáriu tuan hetan nomeasaun no sai reprezentante konsileiru tribunal nian.
Iha komisáriu foun ne’e nia kompromisiu katak, sei hakbesik aan liután polítika eleitoral ba sosiedade liu-liu oinsa atu hadiak sistema sira iha nasional para sidadun hotu bele partisipa iha eleisaun ho diak.
“Há’u nia komipromisiu mak oinsa atu assegura demokrásia lao iha ita-nia rai ne’e inklui oinsa atu aplika lei eleitoral nia iha sosiedade nia leet” tenik Afonso.