FRETILIN Deklara Nulu Hasoru Desizaun TR ba LAP Featured

Bankada Parlamentár FRETILIN konsidera nulu ba desizaun husi Tribunál Rekursu kona reklamasaun hasoru akordaun Tribunál nian relasiona ho rekursu ba alterasaun Lei Atividades Petrolífera (LAP).

Desizaun ne’e relasiona ho rekerimentu hasoru desizaun Tribunál Rekursu nian ikus liu, ne’ebé fó-sai iha dia 8 de Marsu, kona-ba rekursu ba proposta alterasaun
LAP.

“Bankada FRETILIN haree ba desizaun ida ne’e nudár denegasaun flagrante hasoru justisa. Denegasaun akontese bainhira juís ida rekuza atu rekoñese buat ne’ebé nia rasik fiar katak loos. Iha kontestu ida ne’e, ita taka hela matan ba justisa,” hakerek iha komunikadu ne'ebé, tempotimor.com asesu.

FRETILIN dehan, argumenta katak laiha lei ruma atu regulamenta kláuzula konstitusionál sira hatudu dezrespeitu ida inaseitável. Laiha lei ho valór reforsadu tanba Konstituisaun RDTL la prevé. Maske nune’e, kontraditóriamente, laiha mós respeitu ba kláuzula konstitusionál sira ne’e tanba laiha lei.

Konviktu iha ninia pozisaun misaun atu tane aas Estadu direitu, Bankada FRETILIN sei responde imediatamente ba desizaun ne’e tuir Konstituisaun ho lei ne’ebé vigora iha RDTL atu hatuur hikas fali prosesu hotu-hotu iha nia dalan.

Bankada FRETILIN reafirma pozisaun atu nafatin defende direitu Povu Timor-Leste nian, iha jerasaun ne’e no tuir mai atu goza ho benefísiu husi rekursu naturais hotu-hotu forma ida justu no ekitativu.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com
© 2019 Tempo Timor. All Rights Reserved. Designed by Kalohan.NET