Login to your account

Username *
Password *
Remember Me

PR Veta RLAP Veteranus Sai Alternativu ba Sosa Asaun ConocoPhillips no Shell Featured

Prezidente Republika ofisialmente veta ona revizasaun Lei Atividade Petroleu nian. Ne'e duni posibilidade atu Estadu Timor-Leste sosa asaun ConocoPhillips no Shell hasoru problema.

Maski nune'e, oportunidade atu timoroan sira bele sosa asaun ne'e sei nakloke nafatin. Tanba veteranu sira bele sai ninia alternativa hodi soluciona asuntus refere.

Veteranu sira ne'ebe durante ne'e benefisiariu husi pensaun bele kria asosiasaun hodi sosa asaun ne'e hodi naran veteranu sira nian.

Iha tinan 2019, Governu aloka osan ho total $95.500.000 hodi selu pensaun ba benefisiaru total 32.325, ne’ebe fahe ba kategoria familia ne’ebe simu erói matebian sira nian hamutuk 14.199 no veteranu sira sei moris hamutuk nain 18.126.

Ne'e duni osan pensaun veteranu sira ne'e nian bele sai alternativu ida para atu rezolve solusiona problema sosa asaun ConocoPhillips no Shell nian.

“Ha’u hare estadu valoriza daudaun ita nia veteranu sira no sira iha osan naton ona hodi kontribui selu asaun kompania rua ne’e ninian,” dehan Agapito de A. X. Da Costa, estudante Universidde ida iha Dili, Domingu (15/12).

Nia hatutan, veteranu sira terus durante tinan 24 hodi liberta ona pátria, nunee duni hafoin rai nee ukun rasik aan sira sempre iha lina frente hamutuk ho sira nia komandante Xanana hodi kontinua defende soberania no integridade nasaun ninian, nunee husu ba sira ajuda Governu no Estadu atu sosa saham.

Iha parte seluk, Maria D. C. Ximenes estudante husi Universidade privada ida iha Dili mos iha ideia hanesan. Husu veteranu sira atu investe sira nia osan pensaun ba sosa saham husi kompania ConocoPhillips ho Shell.

“Veteranu liu 32,000 nee ninia osan tinan tolu ka lima nee mak investe hotu maka veteranu sira ajuda tan ona Estadu ho Governu no sira mos iha asaun,” tenik Maria.

Nia hatutan, osan ne'ebe kada fulan veteranu sira simu bele halo investimentu ida ba longu prazu, nune'e iha nafatin sustentabilidade ba sira ninia jerasaun iha futuru.

Desizaun Prezidente Republika ninia veta Revizaun Lei Atividades Petrolífera (RLAP) fo impaktu makas ba sosa asaun kompania joint ventura ba esplorasaun Greater Sunrise, ne'e duni iha situasaun ne'e partisipasaun sosiedade hotu-hotu importante hodi realiza duni mehi Timor nian atu dada kadorasaun mai Timor liu husi politika sosa asaun.

Reprezentante Espesiál Governu, Kay Rala Xanana Gusmão, ho empreza petrolifera ConocoPhillips ho Shell asina ona akordu hodi sosa no faan partisipasaun asaun empreza rua ne'e nian 56,56% ho total valor tokon $650.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter