Print this page
Politika

Sosa Asaun Connoco Ho Shell Iha Dalan Seluk Featured

By December 12, 2018 3488
Sosa Asaun Connoco Ho Shell Iha Dalan Seluk

Prezidente Repúblika, Francisco Guterres Lú Olo, veta ona Lei Atividade Petrolífeira ne’ebé aprezenta husi Parlamentu Nasional DPN nú 3/V-Primeira alterasaun ba Lei nú 13/2005, maski nune'e Governu la lakon esperansa atu kontinua sosa asaun ConocoPhillips no Shell.

Agora daudaun Governu buka hela alternativa seluk atu realiza planu asaun asaun husi kompañia joint ventura ba esplorasaun Greater Sunrise nian

“Durante debate orsamentu sei iha fali asuntu sira ne’e. Nune’e sosa asaun sira ne’e dalan sei iha”, tenik Ministru Reforma Lejizlasaun Asuntu Parlamentar (MRLAP) Fidelis Magalhães, iha Uma Fukun PN Kuarta (11/12).

Entretantu, Vise-Prezidente Parlamentu Nasional, Maria Angelica hateten, Parlamentu rasik seida’uk simu karta ofisiál kona-ba veta primeira alterasaun Lei Atividade Petrolifeira.

“Desizaun Polítika Prezidente nia hodi veta Lei Atividade Petroliferu ne’e fó impátu duni ba ita-nia polítika estratéjika kona-ba sosa asaun ConocoPhillips atu bele realize ita nia mehi ida oinsa mak kampu Greater Sunrise bele dada mai Timor-Leste”, tenik nia

Aleinde verba sosa asaun ConocoPhillips, Governu mos planeia hela atu tau tan osan ba sosa asaun Shell nian durante diskusaun OJE tinan fiskal 2019.

Rate this item
(1 Vote)
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items